سەرىك ابىكەن ۇلى جاڭا قىزمەتكە تاعايىندالدى

بۇعان دەيىن ول «قازاق گازەتتەرى» جشس ديرەكتورىنىڭ ورىنباسارى, الماتى قالاسى باسىلىمدارىنىڭ باسشىسى بولعان ەدى.

ەندى ول جۋرناليست سەرىك ابىكەن ۇلى «حابار» اگەنتتىگى» اق الماتى فيليالىنىڭ ديرەكتورى قىزمەتىن اتقارادى.

سەرىك ابىكەن ۇلى سارىباي –  1972 جىلى, 3 قىركۇيەكتە  تالدىقورعان وبلىسى,  كەربۇلاق اۋدانى, بالعالى اۋىلىندا تۋعان. ماماندىعى:  جۋرناليست, تاريحشى.  «نتك», «31 ارنا» سەكىلدى تەلەكومپانيالاردا باس رەداكتور, ديرەكتوردىڭ ورىنباسارى قىزمەتتەرىن اتقارعان. تەلەجۋرناليستيكاداعى ەڭبەك جولىن 1998 جىلى «تەلەفابريكا» سەرىكتەستىگىندە باستاپ, «اناۋ-مىناۋ», «ايتپاقشى» باعدارلامالارىن شىعارۋعا اتسالىسقان. 2000-2003 جىلدار ارالىعىندا «وڭتۇستىك استانا» تەلەارناسىندا باس رەداكتورلىق قىزمەتتە ءجۇرىپ, «سويىل» اتتى تۇڭعىش تەلەجوباسىن جارىققا شىعاردى. «31 ارنانىڭ» «ينفورمبيۋرو» جاڭالىقتار قىزمەتىندە 6 جىل جەتەكشىلىك ەتكەن.

2013-2018 جىلى «پاراسات» ساياسي-قوعامدىق جۋرنالىنىڭ باس رەداكتورى جانە 2014 جىلدان «جەتىسۋ» تەلەارناسى ديرەكتورىنىڭ ءبىرىنشى ورىنباسارى, كەيىن وسى ارنا ديرەكتورى بولىپ قىزمەت اتقارعان.