گيننەستىڭ رەكوردتار كىتابىنا ەنگەن داعىستاندىق «بۋىنسىز» ادام مۋحتار گۋسەنگادجيەۆ 21-22 اقپاندا الماتىعا كەلىپ, سەمينار-ترەنينگ وتكىزەدى. قازىرگى تاڭدا اتالمىش شارانى ۇيىمداستىرۋشىلار تانىمال ازاماتتىڭ ساپارىنا وراي دايىندىق جۇمىستارىن جۇرگىزۋدە.
ايتا كەتەيىك, م.گۋسەنگادجيەۆ جاھانداعى ەڭ يىلگىش ادام عانا ەمەس, سونىمەن بىرگە, ەسترادالىق, تسيركتىك, سپورتتىق فەستيۆالدەردىڭ جەڭىمپازى جانە كوپتەگەن اتاقتاردىڭ يەسى. ونىڭ, اسىرەسە, پلاستيكا بويىنشا جاتتىقتىرۋشى رەتىندە داڭقى عالامعا جايىلعان. ول مادوننا, پامەلا اندەرسون, دەمي مۋر سىندى بەلگىلى ادامدارعا جەكە ساباق بەرگەن. سونداي-اق, مۋحتار «تسيرك ديۋ سولەيدىڭ» اتاقتى ءارتىسى رەتىندە دە تانىمال.
تاكەن بايجول.