بۇل تۋرالى بۇگىن ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى, دەپ جازادى Egemen.kz.
«بايتەرەك» حولدينگىنىڭ كاپيتالىن ۇلعايتۋ 2025 جىلى 8 ترلن تەڭگەنى قۇرايتىن جوبالاردى قارجىلاندىرۋعا مۇمكىندىك بەرەدى.
سەرىك جۇمانعارين «بايتەرەك» حولدينگى قارجىلاندىرۋدىڭ جاڭا قۇرالدارىن ەنگىزۋ تەتىكتەرىن قاراستىراتىنىن ءتۇسىندىردى.
سونداي-اق, ەلىمىزدەگى 30 مىڭ شاعىن جانە ورتا بيزنەستى قولداۋعا 1,7 ترلن تەڭگەگە ءبولىنىپ, بيزنەستىڭ كرەديتتەرىنە كەپىلدىك بەرەتىن 2 قور قۇرىلادى. ۇلتتىق ەكونوميكا ءمينيسترى بۇل باستاما شەت مەملەكەتتەردە دە ءتيىمدى تاجىريبە رەتىندە ەنگىزىلگەنىن باياندادى.
ال قازاقستانداعى ينفراقۇرىلىمدى جاڭعىرتۋعا 1,2 ترلن تەڭگە ينۆەستيتسيا باعىتتالماق.
«2025 جىلى ينۆەستيتسيالاردىڭ قوسىمشا كولەمى ەنەرگەتيكالىق جانە كوممۋنالدىق سەكتورلاردى جاڭعىرتۋ جونىندەگى ۇلتتىق جوبانى ىسكە اسىرۋ اياسىندا قامتىلادى. ينۆەستيتسيالار كولەمى 5 جىلدا 13 ترلن تەڭگەدەن اسادى, بۇل رەتتە بيىل ينفراقۇرىلىمدى جاڭعىرتۋعا سالىنعان ينۆەستيتسيالار شامامەن 1,2 ترلن تەڭگەنى قۇرايدى», دەدى سەرىك جۇمانعارين.