67 كەلىدە ەل نامىسىن قورعاعان تورەحان سابىرحان كىشى الەم چەمپيوناتىنا بالانعان «ستراندجا» حالىقارالىق ءتۋرنيرىنىڭ ۇزدىك بوكسشىسى اتاندى, دەپ جازادى Egemen.kz.
تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ حابارلاۋىنشا, «ستراندجا كۋبوگىندە» بۇعان دەيىن ەل بوكسشىلارىنان ەشكىمگە بۇل اتاق بۇيىرماعان. وسىلايشا, تورەحان سابىرحان - «ستراندجا كۋبوگىندە» ۇزدىك بوكسشى اتانعان العاشقى قازاق اتانىپ وتىر.
19 جاستاعى بىلعارى قولعاپ شەبەرىنىڭ ەرەسەكتەر اراسىنداعى سىنعا قوسىلعانىنا 1 جىل تولعان جوق.
تۋرنير فينالىندا ول ازەربايجان وكىلىنە قارسى جۇدىرىقتاستى. تارتىسقا تولى باسەكەنىڭ ەكى راۋند قورىتىندىسىندا ەسەپ تەڭەسىپ تۇرعانمەن, شەشۋشى سىندا وتانداسىمىز جەڭىسكە لايىقتى ەكەنىن دالەلدەدى.