قىزىلوردا وبلىسى پوليتسياسى 2012 جىلى بولعان كىسى ءولتىرۋ دەرەگىن اشتى. قايعىلى وقيعا قارماقشى اۋدانىنىڭ جوسالى كەنتىندە توپتىق توبەلەس كەزىندە بولعان, دەپ حابارلايدى Egemen.kz.
سول كەزدە ءجاسوسپىرىم پىشاق جاراقاتىن الىپ, اۋرۋحاناعا جەتكىزىلگەنىمەن, دارىگەرلەر ونىڭ ءومىرىن ساقتاپ قالا المادى. ول ەسىن جيماستان قايتىس بولعان.
وقيعادان كەيىن توبەلەسكە قاتىسقان ازاماتتاردىڭ بارلىعى انىقتالىپ, تەكسەرىلگەنىمەن, ناقتى دالەلدەر مەن كۋاگەرلەردىڭ جەتىسپەۋى ءىستىڭ ۇزاق ۋاقىت بويى اشىلماي قالۋىنا سەبەپ بولعان.
بيىل تەرگەۋ-جەدەل توبىنىڭ جۇمىسى ناتيجەسىندە باستى كۋاگەر انىقتالىپ, وقيعانىڭ تولىق ءمان-جايى قالپىنا كەلتىرىلدى. جەدەل ىزدەستىرۋ شارالارى بارىسىندا كۇدىكتى انىقتالعان. ول سول كەزدەگى توبەلەسكە قاتىسقان ازامات بولىپ شىققان جانە قازىر باسقا قىلمىسى ءۇشىن جازاسىن وتەپ جاتىر.
قاجەتتى تەرگەۋ ارەكەتتەرى ءۇشىن كۇدىكتى قىزىلوردا قالاسىنداعى تەرگەۋ يزولياتورىنا جەتكىزىلدى. جينالعان دالەلدەردەن كەيىن ول ءوز كىناسىن مويىندادى.
تەرگەۋ بارىسىندا قىلمىستىڭ نەگىزگى سەبەبى رەتىندە جاستار اراسىنداعى ءوزارا جانجال مەن ارازدىق كورسەتىلگەن. قازىرگى ۋاقىتتا ءىس سوتقا جولدانعان.
ىشكى ىستەر مينيسترلىگى وتكەن جىلدارداعى اشىلماعان قىلمىستاردى انىقتاۋ جۇمىستارى جالعاساتىنىن جانە كەز كەلگەن قىلمىس ەرتە مە, كەش پە زاڭ الدىندا جاۋاپسىز قالمايتىنىن مالىمدەدى.
ايتا كەتەيىك, الماتىداعى جاپپاي توبەلەس كەزىندە بولعان ەكى ءجاسوسپىرىمنىڭ ولىمىنەن كەيىن قىلمىستىق ءىس قوزعالدى.
اتىراۋ وبلىسىنداعى وتباسىنىڭ ولىمىنە قاتىسى بار دەگەن كۇدىككە ىلىنگەن اقبايان مۇقانعاليەۆاعا قاتىستى قىلمىستىق قۋدالاۋ توقتاتىلدى.