بۇعان دەيىن ماجىلىسمەن ازات پەرۋاشەۆ ۇكىمەتتىڭ سالىقتى ارتتىرۋدىڭ ماڭىزدىلىعىن دالەلدەي المايتىنىن, ۇلتتىق ەكونوميكا مينيسترلىگىندە بۇرىن تۇرعىن ءۇي ققس كوتەرىلگەننەن كەيىن قىمباتتايتىنىن اتاپ وتكەن بولاتىن, دەپ جازادى Egemen.kz.
وتباسى بانكى باسقارماسىنىڭ ءتورايىمى ءلاززات يبراگيموۆ كەشە جۋرناليسترمەن كەزدەسكەن كەزدە ققس ءوسۋى تۇرعىن ءۇي نارىعىنداعى شاعىن كومپانيالارعا عانا اسەر ەتۋى مۇمكىن بولسا دا ال ءىرى قۇرىلىس سالۋشىلاردىڭ جۇمىسىنا اسەر ەتپەيتىنىن ايتتى.
«ققس ءوسۋى باعاعا اسەر ەتپەيدى دەپ ويلايمىن. ەگەر اڭگىمە بۋحگالتەرلىك ەسەپ بويىنشا ءبارى دۇرىس ءىرى كومپانيالار تۋرالى بولسا, وندا ولاردا ادەتتە ققس ساتىپ الىناتىن ماتەريالدار مەن شيكىزاتقا سالىنعان جانە ونى شەگەرىپ تاستاۋعا بولادى. ال ءبىر-ەكى ءۇي سالىپ جاتقان شاعىن كومپانيالار ءۇشىن بۇل, ارينە, دۇرىس ەسەپكە الۋدى ەنگىزۋدى تالاپ ەتەدى», دەپ ەسەپتەيدى ول.
ل.يبراگيموۆا قازىر ەلىمىزدە ەكى ماڭىزدى باستاما تالقىلانىپ جاتقانىن اتاپ ءوتتى.
ء«بىرىنشىسى - جىلجىمايتىن م ۇلىك نارىعىنداعى قولما-قول اقشاسىز ەسەپ ايىرىسۋ. بۇل ونى كولەڭكەدەن شىعارۋعا كومەكتەسەدى. ەكىنشىسى - تۇرعىن ءۇي ساتىپ الۋ كەزىندە ققس ەنگىزۋ. بۇل نارىقتى بارىنشا اشىق ەتەدى», دەپ ناقتىلادى ل.يبراگيموۆا.
بۇدان وزگە, ونىڭ ايتۋىنشا, جوسپارلانعان سالىق رەفورماسى بيزنەستىڭ جاساندى تۇردە بولشەكتەنۋىنە جول بەرمەيدى. ناتيجەسىندە الدانعان ۇلەسكەرلەر ازايادى.