قارادالا وڭىرىندە اۋىل شارۋاشىلىعى كەڭ ەتەك العان. ەڭبەكقور شارۋالاردىڭ ماڭداي̆ تەرىمەن وسىرىلگەن ونىمدەردى ەلگە تانىتۋ, جەرگىلىكتى كاسىپكەرلەردى قولداۋ جانە ۇلتتىق تاعامداردى دارىپتەۋ ماقساتىندا جۋىردا ۇي̆عىر اۋدانىندا اۋىل شارۋاشىلىعى كورمەسى ۇي̆ىمداستىرىلدى. كورمەگە اۋداننىڭ تانىمال ءارى تاجىريبەلى كاسىپكەرلەرى مەن شارۋاشىلىق يەلەرى قاتىستى. ولار تاۋىق ەتى, ءسۇت ونىمدەرى, بال, جەمىس-جيدەك, قولونەر بۇي̆ىمدارى, باسقا دا ءونىم تۇرلەرىن ۇسىندى.
«بۇل كورمەنىڭ ماقساتى – ونىمدەردىڭ ساپاسىن كورسەتۋ عانا ەمەس, سونداي̆-اق اۋدانداعى كاسىپكەرلەر مەن شارۋا قوجالىقتارىنىڭ ەڭبەگىن باعالاپ, ولاردىڭ اۋىل شارۋاشىلىعى سالاسىنا قوسقان سۇبەلى ۇلەسىن ناسيحاتتاۋ. كورمە اياسىندا جەرگىلىكتى شارۋالاردىڭ تابيعي ءارى ەكولوگيالىق تازا ونىمدەرى مەن ۇلتتىق تاعامداردىڭ تاڭدايدا بال تاتيتىن سان الۋان تۇرىمەن تانىسادى», دەيدى ۇيىمداستىرۋشىلار.
كورمە قوناقتارى اۋىلدىڭ ناعىز ءدامىن تاتىپ قانا قويماي, دالا ءتوسىن دۇبىرگە بولەيتىن تەحنيكالاردىڭ دا سان تۇرىمەن تانىستى. كوپتىڭ كوزايىمىنا اينالعان كورمەدە ۇلتتىق تاعامدار مەن ءداستۇرلى ونىمدەردىڭ كەڭىنەن ۇسىنىلۋى قازاق حالقى مەن باۋىرلاس ۇلت وكىلدەرىنىڭ باي̆ مادەنيەتىن جانە اسحاناسىن دارىپتەي وتىرىپ, حالىقتىق ونەرگە قانىعۋىنا مول مۇمكىندىك بەردى. مۇنداي̆ يگى باستامالار اۋىل تۇرعىندارىنىڭ ءال-اۋقاتىن جاقسارتۋعا, بولاشاقتا اۋداننىڭ اۋىل شارۋاشىلىعى الەۋەتىن ارتتىرۋعا سەپتىگىن تيگىزەرى ءسوزسىز.
الماتى وبلىسى