اۋا رايىنىڭ قولايسىزدىعىنا بايلانىستى تازالاۋ جۇمىستارىن جۇرگىزۋ ءۇشىن 27 اقپاندا ۇشۋ-قونۋ جولاعى 5 ساعاتقا, ياعني 12-دەن 17 ساعاتقا دەيىن جابىلعان ەدى. بىراق بۇگىن ۇشۋ-قونۋ جولاعىن جابۋ مەرزىمى ۇزارتىلدى, دەپ حابارلايدى Egemen.kz Air Astana اۋە كومپانياسىنىڭ ءباسپاسوز قىزمەتىنە سىلتەمە جاساپ.
«28 اقپاندا جولاقتىڭ جابىلۋى ساعات 6.00-دەن 12.00-گە دەيىن ۇزارتىلدى, بۇل اقتاۋ قالاسىنا/قالاسىنان رەيستەردىڭ كەشىگۋىنە جانە توقتاتىلۋىنا اكەلۋى مۇمكىن. رەيستەردىڭ مارتەبەسىن ۆەب-سايتتا نەمەسە Air Astana قوسىمشاسىندا تەكسەرىڭىز», دەلىنگەن حابارلامادا.
اۋەكومپانيا تاسىمالداۋشىعا بايلانىستى سەبەپتەرمەن جولاۋشىلارعا كەلتىرىلگەن قولايسىزدىقتار ءۇشىن وكىنىش ءبىلدىردى.
ايتا كەتەيىك, تەرمينالداردا ۇشۋدى كۇتىپ جۇرگەن جولاۋشىلارعا سۋسىندار مەن تاماق بەرىلگەن. ال, باسقا قالادان كەلگەن جولاۋشىلار قوناق ۇيگە ورنالاستىرىلعان.