اتىراۋ. 9 اقپان. اتىراۋداعى تەحنيكالىق جانە كاسىپتىك كوللەدجدەردىڭ 16 وندىرىستىك وقۋ شەبەرىن ارنايى كۋرستا وقىتۋعا 36 مىڭ ەۋرو جۇمسالدى. بۇل تۋرالى egemen.kz ءتىلشىسى حابارلادى.
اتىراۋ وبلىستىق كاسىپكەرلەر پالاتاسى ۇيىمداستىرعان «ەلەكتروگاز دانەكەرلەۋشىسى» ارنايى كۋرسىندا شۆەيتساريالىق مامان ماكس گەرمان حويزەر ءدارىس جۇرگىزدى. اتالعان شەتەلدىك ماماننىڭ وسى سالادا 50 جىلدان استام تاجىريبەسى بار ەكەن. ءۇش اپتالىق وقۋ كۋرسىنىڭ سوڭىندا اتىراۋلىق تىڭداۋشىلار ەمتيحان تاپسىرىپ, سونىڭ ناتيجەسىمەن حالىقارالىق سەرتيفيكاتقا يە بولدى. «جەرگىلىكتى وقىتۋشىلاردىڭ دايىندىق دەڭگەيى ءارتۇرلى. مەن ولارعا دانەكەرلەۋ ءىسىنىڭ قۇپياسى مەن ادىستەرىن ۇيرەتۋگە تىرىستىم», دەيدى شەتەلدىك مامان ماكس گەرمان حويزەر.
«قازىرگى ۋاقىتتا اتىراۋ وبلىسىندا «قاشاعان» جوباسىنىڭ ىسكە اسىرىلۋىمەن ۇلكەن سۇرانىسقا يە جۇمىسشى ماماندىعىنىڭ ءبىرى – دانەكەرلەۋشى. كوپتەگەن كاسىپورىن جەتەكشىلەرىنىڭ مامانداردى دايىنداۋ ساپاسىنا كوڭىلى تولمايدى. سول سەبەپتەن, جۇمىسشىلاردىڭ تالابىنا وراي تەحنيكالىق كوللەدجدەر مەن كاسىپتىك وقىتۋدىڭ وندىرىستىك شەبەرلەرىن ارنايى كۋرستا وقىتىپ, شەبەرلىگىن شىڭدادىق. تەمىردى ءار ءۇرلى باعىتتا پىسىرۋگە ۇيرەتتىك. ولاردىڭ كاسىبيلىگىن كوتەرۋ ارقىلى الداعى ۋاقىتتا جاس مامانداردى دايارلاۋ ساپاسىنا وڭ اسەر ەتەرىنە سەنەمىز», دەگەن پىكىرىمەن ءبولىستى اتىراۋ وبلىسى كاسىپكەرلەر پالاتاسى ديرەكتورىنىڭ ورىنباسارى نۇرجان عانيمۇرات.
وندىرىستىك وقىتۋ شەبەرلەرىنىڭ كاسىبي بىلىكتىلىگىن ارتتىرعان ارنايى كۋرستى وبلىستىق ءبىلىم باسقارماسىمەن بىرلەسە وتكىزىلدى.
جولداسبەك شوپەعۇل.
دەرەك, سۋرەت: egemen.kz.