«قازاقفيلم» جەردى ساتۋعا قاتىستى مالىمدەمەگە پىكىر ءبىلدىردى

«قازاقفيلم» اي سوڭىندا بىرنەشە فەستيۆالدىڭ ناتيجەسىنە سايكەس ء«ابىل» ءفيلمىنىڭ شىعارماشىلىق ۇجىمى مىندەتتى تۇردە قۇتتىقتالاتىنىن ايتتى. 

كينوستۋديا «ابىل» ءفيلمىنىڭ اۆتورلارىنىڭ ساپارىن قارجىلاندىرۋ ماسەلەسى قارالىپ جاتقانىن حابارلادى. وسى تاقىرىپ اياسىنداعى ماسەلەنى شەشۋ ۇشىن كينوستۋديا ءاردايىم اشىق ديالوگقا دايىن ەكەنىن جانە ء«ابىل» جوباسىنىڭ اۆتورلارىمەن بىرنەشە رەت كەزدەسكەنىن مالىمدەدى. 

كينوستۋديا فيلمدەردى ىلگەرىلەتۋگە بولىنەتىن قاراجاتتىڭ شەكتەۋلى بولۋىنا بايلانىستى جەكەمەنشىك كينوكومپانيالارمەن ارىپتەستىك نەگىزدە جۇمىس ىستەيدى. ء«ابىل» ءفيلمى بويىنشا كينوستۋديانىڭ سەرىكتەسى – «تاناريس» جشس كينوكومپانياسى. بۇل كومپانيا ءفيلمدى حالىقارالىق كينونارىقتار مەن كينوفەستيۆالدەردە تانىستىرۋ جانە ونى كوممەرتسيالىق ساتىلىمعا شىعارۋ بويىنشا قارجىلىق مىندەتتەمەلەردى ءوز موينىنا العان. وسىعان وراي, كينوستۋديا كەلىسىمشارت اياسىندا شىعارماشىلىق توپتىڭ ساپارىن قارجىلاندىرۋ ءۇشىن «تاناريس» جشس-نە رەسمي سۇرانىس جولدادى. الايدا, قازىرگى ۋاقىتقا دەيىن اتالعان كينوكومپانيا جاۋاپ بەرگەن جوق. سوعان قاراماستان, «قازاقفيلم» ءوز مۇمكىندىگى شەگىندە ء«ابىل» فيلمىنە قولداۋ كورسەتىپ, قاجەتتى كومەگىن ۇسىنىپ جاتىر», دەلىنگەن حابارلامادا.    سونىمەن قاتار جەردى ساتۋ نەمەسە «قازاقفيلمدى» قاساقانا جويۋ تۋرالى مالىمدەمەلەرگە دە جاۋاپ بەرىلدى.    «بۇل بولجامداردىڭ بارلىعى شىندىققا جاناسپايتىن, ادەيى بۇرمالانعان اقپارات ەكەنىن مالىمدەيمىز. مۇنداي ارەكەتتەر كينوستۋديانىڭ دامۋ مۇددەلەرىنە قايشى كەلەدى جانە قازىرگى باسقارۋ ساياساتى اياسىندا قاراستىرىلماعان. 2025 جىلعى 25 اقپاندا الماتى قالاسى, ءال-فارابي داڭعىلى, 176 مەكەنجايىندا ورنالاسقان «قازاقفيلم» عيماراتىنىڭ الدىندا رۇقسات ەتىلمەگەن ميتينگ ءوتىپ, جينالعاندار كينويندۋستريانى دامىتۋ جونىندەگى ۇسىنىستارعا ءوز نارازىلىعىن بىلدىرگەن ەدى. كينوستۋديا باسشىلىعى ميتينگكە قاتىسۋشىلارعا تۇسىنىكتەمەلەر بەرىپ, كەلىسسوزدەر قورىتىندىسى بويىنشا انيماتسيا سالاسىنىڭ وكىلدەرىمەن كەڭەيتىلگەن جيىن وتكىزۋ تۋرالى شەشىم قابىلداندى», دەلىنگەن جازبادا. 

«قازاقانيماتسيا» شب-ءنىڭ استانا قالاسىنا كوشىرۋ ماسەلەسى ءالى دە تالقىلانىپ جاتىر.