وسى جىلدىڭ اقپان ايىندا عانا الماتى وبلىسىنىڭ پوليتسەي̆لەرى بىرنەشە مال ۇرلىعىنا قاتىسى بار ءۇش قىلمىستىق توپتى ۇستادى. جەدەل شارالاردىڭ ناتيجەسىندە 10 ادام انىقتالىپ, ولاردىڭ توعىزى ۋاقىتشا ۇستاۋ يزولياتورىنا قامالدى, دەپ جازادى Egemen.kz.
«سوڭعى وپەراتسيا 22 اقپاندا بولدى. پوليتسياعا ۇزىناعاش اۋىلىنىڭ تۇرعىنى قوراسىنان بەس جىلقىنىڭ ۇرلانعانى تۋرالى ارىزداندى. كەلتىرىلگەن شىعىن 5 ميلليون تەڭگەنى قۇرادى. جەدەل-ىزدەستىرۋ ءىس-شارالارى بارىسىندا 32 جانە 34 جاستاعى ەكى كۇدىكتى ۇستالدى. ولار قاماۋعا الىنىپ, ۇرلانعان مال يەسىنە قاي̆تارىلدى», دەپ حابارلادى پوليتسيادا.
سونىمەن قاتار, كەگەن اۋدانىندا سەريالىق جىلقى ۇرىسى قۇرىقتالدى. ول 35 جاستاعى جەرگىلىكتى تۇرعىن بولىپ شىقتى. مالىمەتتەرگە ساي̆كەس, ول توعىز باس مالدى ۇرلاپ, ونى ءۇشىنشى تۇلعالارعا قاي̆تا ساتقان. ساتىپ الۋشىلار وسى دەرەكتى راستاعاننان كەي̆ىن, كۇدىكتى ءوز كىناسىن موي̆ىندادى. جالپى شىعىن 4 ميلليون تەڭگەدەن استى.
پوليتسيانىڭ حابارلاۋىنشا, جىل باسىنان بەرى جامبىل اۋدانىنىڭ اۋماعىندا مال ۇرىلارىنىڭ ءۇش توبى جوي̆ىلىپ, ولار جاساعان 20 ەپيزود دالەلدەنگەن. اتالعان قىلمىستىڭ ناتيجەسىندە 460 باس مال قولدى بولعان.
ء«بىزدىڭ قىزمەتكەرلەردىڭ جەدەل جۇمىسىنىڭ ارقاسىندا كۇدىكتىلەر ساتىپ ۇلگەرمەگەن مال تاركىلەنىپ, يەلەرىنە قاي̆تارىلدى. قاي̆تارىلعان مالدىڭ جالپى قۇنى 13 ميلليون تەڭگەدەن استى», دەپ تولىقتىردى ۆەدومستۆودا.
قۇقىق قورعاۋ ورگاندارى شارۋا قوجالىقتارىنىڭ يەلەرىنە ءوز مۇلكىن قورعاۋ ءۇشىن قوسىمشا قاۋىپسىزدىك شارالارىن قولدانۋدىڭ ماڭىزدىلىعىن ەسكەرتەدى. پوليتسيا ازاماتتاردى كۇدىكتى ادامدار مەن مال ۇرلىعى تۋرالى وقيعانى دەرەۋ حابارلاۋعا شاقىرادى. ەسىڭىزدە بولسىن, قۇقىق قورعاۋ ورگاندارىنا ۋاقتىلى جۇگىنۋ قىلمىستىڭ ء«ىزىن سۋىتپاي̆» اشىلۋ جانە ۇرلانعان م ۇلىكتى يەلەرىنە قاي̆تارۋ مۇمكىندىگىن اي̆تارلىقتاي̆ ارتتىرادى.