اقتاۋ. 9 اقپان. ماڭعىستاۋ وركەسترى باكۋ قالاسىندا ونەر كورسەتتى. بۇل تۋرالى egemen.kz ءتىلشىسى حابارلادى.
ماڭعىستاۋ وبلىستىق فيلارمونياسىنىڭ ابىل تاراق ۇلى اتىنداعى ۇلت-اسپاپتارى وركەسترىنىڭ ازەربايجان رەسپۋبليكاسىنىڭ استاناسى باكۋ قالاسىندا قويعان كونتسەرتى «كاسپيدى تەربەتكەن دوستىق-ءان» دەپ اتالدى.
كونتسەرت باكۋ قالاسىندا مۋسليم ماگوماەۆ اتىنداعى ازەربايجان مەملەكەتتىك فيلارمونياسىندا ءوتتى.
كونتسەرتتە قازاقستان سازگەرلەرىمەن بىرگە ازەربايجان سازگەرلەرىنىڭ شىعارمالارى ورىندالدى. قازاق ونەرپازدارى ساردار فارادجەۆتىڭ شىعارمالارىن ورىندادى, كونتسەرتتىڭ قوناعى بولعان سازگەر قازاق وركەسترىنە جىلى لەبىزىن ءبىلدىردى. ازەربايجان ەلىنىڭ ايگىلى ءانشىسى فاحري كيازيم قازاق وركەسترىنىڭ سۇيەمەلدەۋىمەن ءان شىرقادى.
مادەنيەت سالاسىنىڭ ۇزدىكتەرى اسقار, ءاسانالى كوشەروۆتەر, جولامان كوشكىنوۆ سىندى انشىلەر مەن جىرشى بولات شاۋليەۆتىڭ ونەرىنە قول سوقتى.
گۇلايىم شىنتەمىرقىزى.
دەرەك, سۋرەت: egemen.kz.