پەتروپاۆل. 9 اقپان. تۇنگى ساعات 3-تەر شاماسىندا اقجار اۋداندىق ىشكى ىستەر ءبولىمىنىڭ كەزەكشى بولىمىنە تەلەفون سوققان جولاۋشىلار ومبى-كوكشەتاۋ باعىتىنداعى حالىقارالىق اۆتوبۋستىڭ سىنىپ, قار قۇرساۋىندا قالعانىن جەتكىزگەن. بۇل تۋرالى egemen.kz. ءتىلشىسى حابارلادى.
دەرەۋ وقيعا بولعان جەرگە جەدەل توپ اتتانعان. «ومبى-كوكشەتاۋ» تاسجولىنىڭ 181-شاقىرىمىندا Hager ماركالى اۆتوبۋسىنىڭ سىنىپ تۇرعانىن بايقاعان. سويتسە, جانارماي ناسوسى ىستەن شىققان ەكەن. توتەنشە جاعداي قىزمەتكەرلەرى 19 جۇرگىنشى مەن 2 جۇرگىزۋشىنى قار قۇرساۋىنان الىپ شىعىپ, جىلى جەرگە ورنالاستىرعان. ىستىق تاماقپەن قامتاماسىز ەتكەن.
ودان ءارى ساپارلاعان ادامدار كوكشەتاۋعا دەيىن امان-ەسەن جەتكىزىلىپ, اۆتوبۋس جوندەلگەننەن كەيىن ومبى باعىتىنا اتانىپ كەتكەن.
ءومىر ەسقالي.
دەرەك:egemen.kz.
سۋرەت: ktk.kz.