استانا. 9 اقپان. جامبىل وبلىسىنىڭ اۋماعىندا ءىرى جول-كولىك وقيعاسى ورىن الدى. استانادان شىمكەنتكە بارا جاتقان جولاۋشىلار اۆتوبۋسى تراسسا بويىنان تايعاناپ كەتىپ, جولدىڭ جيەگىنە سوققان. الدىن الا مالىمەت بويىنشا, 10 ادام قازا تاپقان. بۇل تۋرالى Tengrinews.kz حابارلادى.
قولداعى بار مالىمەتتەر بويىنشا, اۆتوبۋستىڭ اپات ۇشىراۋ وقيعاسى الماتى – ەكاتەرينبۋرگ تراسساسىنىڭ 395-شاقىرىمىندا, جامبىل وبلىسىنداعى پريوزەر ەلدى مەكەنىنە جاقىن جەردە بولعان. ناتيجەسىندە, «پريوزەر قالالىق ورتالىق اۋرۋحاناسى» كوممۋنالدىق كاسىپورنىنىڭ حابارلاۋىنشا, 10 ادام ءجانتاسىلىم ەتكەن.
توتەنشە جاعدايلار مينيسترلىگىنىڭ قىزمەتكەرلەرى 4 زارداپ شەگۋشىنى پريوزەر قالالىق اۋرۋحاناسىنا جەتكىزدى. ولاردىڭ 3-ءى ەر كىسى بولسا, 1-ءى ايەل. ەر كىسىلەردىڭ بىرەۋى قىرعىزستان ازاماتى بولسا, ايەل ەكىقابات ەكەن. قازىر ءبىر ەركەك پەن ايەل بالقاشتاعى اۋرۋحانا جىبەرىلدى. تاعى ءبىر زارداپ شەگۋشى الماتىعا جونەلتىلدى. دارىگەردىڭ ايتۋلارىنشا, ەكىقابات ايەلدىڭ ىشتەگى بالاسىن ساقتاپ قالۋدىڭ ورايى كەلگەن.
قۇرىش نۇرىمبەت.
دەرەك, فوتو: Tengrinews.kz.