اقتوبە. 9 اقپان. اقتوبە پوليتەحنيكالىق كوللەدجىندە كاسىپكەرلىك مەكتەبى اشىلدى. بۇل تۋرالى egemen.kz ءتىلشىسى حابارلادى.
كوللەدجدە كاسىپكەرلىك مەكتەبىنىڭ اشىلۋىنا اقتوبە وبلىستىق كاسىپكەرلىك پالاتاسى ىقپال ەتتى.
«بۇل وسىنداي يننوۆاتسيالىق جوبا جۇزەگە اسىرىلىپ وتىرعان تۇڭعىش وقۋ ورنى بولىپ تابىلادى. كوللەدج تۇلەكتەرىنىڭ ديپلوممەن بىرگە بيزنەستى جۇرگىزۋ بويىنشا ءبىلىم دە الىپ شىعاتىنى قۋانىشتى. ءبىز كوللەدج تۇلەكتەرىنىڭ اراسىنان وقۋ ورنىن بىتىرگەننەن كەيىن ءوز ءىسىن اشۋدى ويلاستىراتىندارى كەزدەسەتىنىنە جانە ءوڭىرىمىزدىڭ بەلگىلى كاسىپكەرلەرى بولاتىنىنا سەنىم ارتامىز», – دەيدى وڭىرلىك كاسىپكەرلەر پالاتاسى ديرەكتورىنىڭ ورىنباسارى دامەلى قۇنانوۆا.
دامەلى باقىتكەرەيقىزىنىڭ ايتۋىنشا, كاسىپكەرلىك مەكتەبىندە وقۋ اپتاسىنا ەكى رەت فاكۋلتاتيۆتىك رەتىندە وتكىزىلەدى. وقىتۋ سەمينارلارىن وتكىزۋ ءۇشىن كاسىبي لەكتورلار مەن بيزنەس جاتتىقتىرۋشىلار شاقىرتىلادى. ولار تۇلەكتەردى ءوز ءىسىن قالاي اشۋعا, بيزنەس-جوسپاردى قالاي جازۋعا وقىتادى, ءوز ارماندارىن جۇزەگە اسىرۋعا تالاپتانعان كاسىپكەرلەرگە كومەك بەرەتىن مەملەكەتتىك باعدارلامالار, قارجىلاندىرۋ كوزدەرى تۋرالى تۇسىندىرەدى. سونداي-اق بيزنەستى جۇرگىزۋدەگى نەگىزگى قاتەلىكتەر جايى دا ايتىلادى.
«قوسىمشا ءوز ءىسىن قالىپتاستىرىپ ۇلگەرگەن كاسىپكەرلەرمەن, پالاتانىڭ ساراپشىلارىمەن كەزدەسۋ ۇيىمداستىلاتىن بولادى. مەكتەپتىڭ تىڭداۋشىلارى ءوزىنىڭ جەكە كاسىپكەرلىك باستاماسى بولسا, جوبالارمەن جۇمىس ىستەي الادى. ەڭ ۇزدىك جوبالارعا پالاتا قولداۋ كورسەتەدى. ءتىپتى ولار ءۇشىن ينۆەستورلار ىزدەۋىمىز دە مۇكىن», – دەيدى وڭىرلىك كاسىپكەرلىك پالاتاسى ديرەكتورىنىڭ ورنىباسارى.
مۇنداي كاسىپكەرلىك مەكتەپتەرى وبلىستاعى باسقا كوللەدجدەردە اشىلۋى مۇمكىن.
ساتىبالدى ءساۋىرباي.
دەرەك: egemen.kz.
سۋرەت: newskaz.ru.