پوليتسيانىڭ اقپاراتىنشا, پاۆلودارداعى بانكتى تونادى دەگەن كۇدىكپەن بىرنەشە ازامات رەسەي فەدەراتسياسى اۋماعىندا ۇستالدى. ولاردىڭ بارلىعى كورشى ەلدىڭ ازاماتتارى, دەپ حابارلايدى Egemen.kz.
وڭىرلىك پوليتسيا دەپارتامەنتى ۇستالعاندارعا قاتىستى قازاقستاندىق سوتتىڭ شەشىمىمەن قاماۋعا الۋ سانكتسياسى قولدانىلعانىن حابارلادى.
«حالىقارالىق كەلىسىمدەر اياسىندا قر ىشكى ىستەر مينيسترلىگى رەسەيلىك ارىپتەستەرىمەن بىرلەسىپ, تەرگەۋ-جەدەل توبىن قۇردى. سوتقا دەيىنگى تەرگەپ-تەكسەرۋ جۇرگىزىلىپ جاتىر, ونىڭ قورىتىندىسى بويىنشا پروتسەسسۋالدىق شەشىم قابىلدانادى», دەپ اتاپ ءوتتى دەپارتامەنتتەن.
ايتىپ وتەيىك, 2024 جىلدىڭ 10 قاراشا كۇنى تۇندە پاۆلوداردا بانك بولىمشەسىنىڭ قابىرعاسى لوممەن بۇزىلىپ, تونالعان ەدى. قارجى نارىعىن رەتتەۋ جانە دامىتۋ اگەنتتىگىنىڭ وكىلدەرى بانك بولىمشەسىنەن قانشا دۇنيە ۇرلانعانىن تەرگەۋ عانا ايتا الاتىنىن مالىمدەگەن.