وسكەمەن. 9 اقپان. ۇلى ابايدىڭ 170 جىلدىعى قارساڭىندا شىعىس قازاقستان وبلىسىنىڭ اكىمدىگى مەرەيتويلىق شارالاردى اقىننىڭ وتانى – جيدەبايدا, سونداي-اق وڭىردەگى ءبىلىم جانە مادەنيەت مەكەمەلەرىندە كەڭىنەن اتاپ وتەتىن بولادى. وعان تانىمال ونەر جانە مادەنيەت قايراتكەرلەرى, قوعامدىق بىرلەستىكتەر, كوممەرتسيالىق ەمەس ۇيىمدار مەن بيزنەس وكىلدەرى قاتىسادى. بۇل تۋرالى egemen.kz ءتىلشىسى حابارلادى.
بەكىتىلگەن كەستەگە سايكەس, بەلگىلى اعىلشىن كومپوزيتورى كارل دجەنكينستىڭ «اباي-شاكارىم» وراتورياسى ورىندالاتىن كونتسەرتتىك كەش, بۇكىلالەمدىك پوەزيا كۇنىنە وراي «اباي پوەزياسى: الەم تىلدەرىندە» فەستيۆالى, تەاتر فەستيۆالدەرى, ابايدىڭ قاراسوزدەرى بويىنشا مونوسپەكتاكل قويىلىمدارى, اباي شىعارمالارى بويىنشا ءتۇرلى كونتسەرتتىك باعدارلامالار وتكىزۋ جوسپارلانىپ وتىر.
سونداي-اق «ابايدىڭ رۋحاني ورتالىعى» جانە سيرەك كىتاپتار مۇراجايى, ويشىل اقىننىڭ تۋىندىلارى بويىنشا سۋرەتشىلەر يلليۋستراتسيالارىنىڭ كورمەسى, «عاسىرلارمەن ۇندەسكەن اسىل قازىنا», «سەمەي – ەلىمىزدىڭ رۋحاني-مادەني استاناسى» رەترو-فەستيۆالى, ابايتانۋشىلاردىڭ ونلاين-دارىستەرى, اقىندار ايتىسى, جاستار اراسىنداعى بايقاۋلار, كىتاپ كورمەلەرى تۇساۋىن كەسەدى. جازدا «اباي كۇندەرى» اتتى اقىننىڭ شىعارماشىلىق عۇمىرى جانە ومىرىمەن بايلانىسى بار جەرلەرمەن وتەتىن تۋريستىك مارشرۋت باستالادى.
ودان وزگە وسكەمەن مەن سەمەيدە «ءبىزدىڭ اباي» ەلەكتروندى كىتاپحاناسى اشىلادى. سەمەيدەگى اباي اتىنداعى كىتاپحانانىڭ سايتىندا «اباي وقىعان كىتاپتار» اتاۋىمەن سيرەك كىتاپتار قورىنىڭ ۆيرتۋالدى كورمەسى ۇيىمداستىرىلادى.
مەرەيتويدىڭ ءتۇيىنى «جيدەباي-ءبورىلى» مۇراجاي كەشەنىندە سالتاناتتى شارامەن اياقتالادى.
دۋمان اناش.
دەرەك: egemen.kz.
سۋرەت: altaynews.kz.