ەقىۇ پارلامەنتتىك اسسامبلەياسىنىڭ باسقوسۋى

وتىرىس بارىسىندا ەقىۇ پا-نىڭ ساياسي ماسەلەلەر جانە قاۋىپ­سىزدىك, دەموكراتيا, ادام قۇقىق­تارى جانە گۋمانيتارلىق ماسەلە­لەر, ەكونوميكا, عىلىم, تەحنو­لو­گيالار جانە قورشاعان ورتا ما­سەلەلەرى جونىندەگى جالپى كومي­تەتتەرىندە, سونداي-اق تۇراقتى كوميتەتتە كەزدەسۋلەر ءوتتى. ءىس-شاراعا ەقىۇ ءوڭىرى ەلدەرىنەن كەلگەن 240-تان اسا پارلامەنتشى قاتىستى.

قاۋىپسىزدىك پەن ادام قۇقىق­تارى سالاسىنداعى ىنتىماق­تاس­تىقتىڭ نەگىزىن قالاعان باستى قۇجات – حەلسينكي قورىتىندى اكتىسىنىڭ 50 جىلدىق مەرەيتويىنا ەرەكشە نازار اۋدارىلدى.

سەناتور سەسسيا بارىسىندا ەقىۇ پار­لامەنتتىك اسسامب­لەياسى توراعاسىنىڭ ەكولو­گيالىق ما­سە­لەلەر جونىندەگى ورىنباسارى پەرە پونسپەن جانە اسسامبلەيا­نىڭ ورتالىق ازيا جونىندەگى ار­نايى وكىلى فارا كاريميمەن دە كەز­دەس­تى. سونداي-اق اۋستريا ۇلتتىق كەڭەسىنىڭ دەپۋتاتى, ەقىۇ پا توراعاسىنىڭ ورىنباسارى گۋدرۋن كۋگلەر, حورۆاتيا سابورىنىڭ دەپۋتاتى زۆونيمير تروسكوت جانە فينليانديا پارلا­مەنتى­نىڭ دەپۋتاتى ۆيللا سكيننا­ريمەن دە ەكىجاقتى كەزدەسۋلەر ءوتتى.

سەناتور بىرقاتار تاقى­رىپ­تىق, ونىڭ ىشىندە كولىك دالىزدەرىن دامىتۋعا باعىتتالعان جىبەك جولىن قولداۋ توبىنىڭ 15-وتىرىسىنا, سونداي-اق دەمو­گرافيالىق داعدارىسقا ارنالعان پىكىرتالاسقا قاتىستى.