قالىڭ ەلى قاھارمانىن ەسكە الدى

باتىردى ەسكە الۋ ءراسىمى شىم­كەنت قالاسىنىڭ جەڭىس سايابا­عىن­داعى گەنەرالدىڭ ەسكەرتكىشىنە گۇل شوق­تارىن قويۋدان باستالدى. وعان اسكەري كوللەدج شاكىرت­­تەرى, وتستاۆكاداعى پولكوۆنيك سەرىك­باي ونباەۆ باستاعان ارداگەر ۇيىم­دارىنىڭ وكىلدەرى, ­زا­پاس­­تاعى گەنەرال-مايور بولات جورا­­باەۆ باسقاراتىن اسكەري-تەح­­ني­كالىق مەكتەپ وقۋشىلارى قا­تىستى.

اسكەري كوللەدج باستىعى, پولكوۆنيك ماقسات اقشالوۆ سابىر راحىموۆتىڭ ەرەكشە ەڭبەگىن ەسكە الىپ ءوتتى. ول قول­باس­شىنىڭ جەڭىسكە قوسقان ۇلەسى مەن جاستار اراسىندا باتىر تۋرالى ەستەلىكتى ساقتاۋدىڭ ماڭىزىنا توقتالدى. اسكەري كوللەدج تۇڭعىش قازاق گەنەرالىنىڭ ەسىمىن يەلەنگەن جالعىز وقۋ ورنى ەمەس ەكەنىن, ونىڭ قۇرمەتىنە تالاي ەسكەرتكىش تۇرعىزىلعانىن, بۇگىندە باتىر ەسىمىمەن اتالاتىن كوشەلەر مەن ءارتۇرلى ءبىلىم مەكەمەلەرى ەلىمىزدە كوپ ەكەنىن تىلگە تيەك ەتتى.

ءوز كەزەگىندە اسكەري مەكتەپتىڭ تۇلەگى, زاپاستاعى گەنەرال-مايور بولات جوراباەۆ وقۋشىلار الدىندا ءسوز سويلەپ, ءوزىنىڭ اسكەري سالا­داعى جولى مەن ۇرپاقتار ساباق­­تاستىعىنىڭ ماڭىزدى ءرولى جايىندا وي تولعادى. ءىس-شارا سوڭىن­دا اسكەري-تەحنيكالىق مەك­تەپ­تىڭ كۋرسانتتارى مەن وقۋ­شى­لارى گۇل شوقتارىمەن باتىر رۋحىنا تاعزىم ەتىپ, ەسكەرت­كىشتىڭ الدى­نان سالتاناتتى شەرۋمەن ءجۇرىپ ءوتتى.

سول كۇنگى مەرەكەلىك جيىن سابىر راحىموۆتىڭ تۋعان جەرى تۇركىستان وبلىسى قازىعۇرت اۋدانى كوكىبەلى اۋىلىندا جالعاسىن تاپتى. قولباسشى ەسىمىمەن اتالاتىن ورتا مەكتەپتىڭ اكت زالىندا كوللەدج تاربيەلەنۋشىلەرى گەنە­رالدىڭ ءومىر جولىنا ار­نال­عان ادەبي-مۋزىكالىق كەش ۇيىم­داس­تىردى. كونتسەرتتىك باع­دار­­لاما بارىسىندا كۋرسانتتار اسكەري-پاتريوتتىق اندەر شىر­قاپ, وزدە­رىنىڭ جەكە شىعارما­شى­­لىق­تا­رىنان ولەڭدەر وقىپ, سابىر راحى­موۆتىڭ جاۋىنگەرلىك جولى­نىڭ ۇمىتىلماس ساتتەرىن بەي­­نە­لەگەن ساحنالىق قويىلىم كورسەتتى.

ەندەشە, قازاقتىڭ باتىر ۇلى­­­نىڭ قىسقاشا ءومىر جولىنان دەرەك كەلتىرسەك, سابىر ومار­ ۇلى راحىموۆ – ايگىلى اسكە­­ري قول­باسشى, قازاق حالقى مەن ورتا­لىق ازيادان شىققان تۇڭ­عىش گەنەرال. 1902 جىلى بۇگىنگى تۇركىستان وبلىسىنا قارايتىن قازىعۇرت اۋدانىنىڭ كوكىبەلى اۋىلىندا دۇنيەگە كەلگەن. 1922 جىلى باكۋدەگى اسكەري مەكتەپكە ءتۇسىپ, تۇركىستان اسكەري وكرۋ­گىن­دە العاشقى قىزمەتىن باستا­عان. باسماشىلارمەن بول­عان شاي­قاستارداعى ەرلىگى ءۇشىن «قىزىل جۇلدىز» وردەنىمەن مارا­­پات­­­تالعان. 1941 جىلى ەكىن­شى دۇنيەجۇزىلىك سوعىس باس­تالعان تۇستا مايدانعا اتتانىپ, مو­تو­­­­ات­قىشتار بولىمدەرىن باس­قار­­عان, بەلورۋس­سيادا, كاۆكاز بەن روستوۆ وبلى­سىنداعى قور­عانىس شايقاستارىنا قاتىس­قان. 1943 جىلى جاۋىن­گەر­لىك ەرلىگى ءۇشىن وعان گەنەرال-مايور اتاعى بەرىلەدى. 1944 جىلى قازاق­تىڭ باتىر ۇلى 37-گۆار­ديالىق ات­قىشتار ديۆيزياسىن باسقارىپ, شىعىس پرۋسسيا وپەراتسياسى مەن گراۋدەنتس بەكىنىسىنە (گرۋدزەندز, پولشا) شابۋىل كەزىندە ەرەكشە كوزگە تۇسەدى. 1945 جىلى ناۋرىزدا گدانسك ما­ڭىن­داعى شايقاستا قازاقتان شىققان العاشقى گەنەرال ەرلىك­پەن قازا تابادى.

وتانعا سىڭىرگەن ەڭبەگى مەن كورسەتكەن ەرلىگى ءۇشىن سابىر راحى­­موۆقا كەڭەس وداعىنىڭ باتىرى اتاعى قازا بولعان­نان كەيىن 1965 جىلى عانا بەرى­لەدى. دارا تۇلعاعا دەگەن قۇر­مەت قازاق حالقىنىڭ جۇرە­گىن­دە ماڭگى ساقتالاتىنى انىق. ال ونىڭ ەرلىك جولى وتان قورعاۋشى ۇر­پاق­تاردىڭ الدىندا ءاردايىم ۇلگى.

جالپى, سابىر راحىموۆ اتىن­داعى اسكەري كوللەدج – قازاق­ستان­نىڭ قورعانىس مينيسترلىگىنە قاراستى رەسپۋبليكالىق مەم­لە­كەتتىك مەكەمەسى. وقۋ ورنى 40 جىلدىق تاريحى بار بۇرىنعى رەسپۋبليكالىق «جاس ۇلان» مەك­تەبىنىڭ بازاسىندا قۇرىلعان. پولكوۆنيك ماقسات اقشالوۆ – وسى اسكەري كوللەدجدىڭ العاش­قى باستىعى. جوعارىدا ايتقا­نى­مىز­داي اسكەري مەكتەپ 1984 جىلى شىمكەنتتە قۇرىلدى. باستاپقىدا ورىس ءتىلى مەن اسكەري ماماندىقتى تەرەڭدەتىپ وقىتاتىن مەكتەپ-ينتەرنات رەتىندە شاكىرت تاربيەلەدى. كەيىن 1992 جىلى مينيسترلەر كابينەتىنىڭ قاۋلىسىمەن مەكتەپ رەسپۋبليكالىق اسكەري مەكتەپ بولىپ وزگەرتىلدى. 2003 جىلى اسكەري مەكتەپ-ينتەرناتقا كەڭەس وداعىنىڭ باتىرى گەنەرال-مايور سابىر راحىموۆتىڭ ەسىمى بەرىلدى. 2015 جىلى وقۋ ورنى قورعانىس مينيسترلىگىنىڭ قاراماعىنا ءوتتى.

وسى جىلدار ىشىندە مەكتەپ 4 مىڭنان اسا تۇلەك تاربيەلەپ شىعاردى. ولاردىڭ ىشىندە 7 گەنەرال, 200-دەن اسا پولكوۆنيك پەن 3 عىلىم كانديداتى بار. اتال­عانداردىڭ بارلىعى قازىرگى ۋاقىتتا قارۋلى كۇشتەردە نەمەسە باسقا دا اسكەرلەر مەن اسكەري قۇرىلىمدار قاتارىندا قىزمەت ەتەدى. سول ازاماتتاردىڭ ىشىنەن قورعانىس ءمينيسترىنىڭ تىل جانە اسكەري ينفراقۇرىلىم جونىندەگى ورىنباسارى گەنەرال-لەيتەنانت قانىش ابۋباكىروۆتى, قورعانىس مينيسترلىگى باس ينسپەكتسياسىنىڭ باستىعى گەنەرال-مايور داۋلەت وسپانوۆتى, اسكەري-اۋە كۇشتەرى­نىڭ قولباسشىسى اۆياتسيا گەنەرال-مايورى رۋسلان قوڭىروۆتى, ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستي­تۋتىنىڭ باستىعى گەنەرال-مايور باۋىرجان ءيباتۋليندى ەرەكشە اتاپ وتۋگە بولادى.

شىمكەنت