قوستاناي. 9 اقپان. رۋدنىي قالاسىندا پاروديا بايقاۋى ءوتتى. وندا قايرات نۇرتاستىڭ وبرازى گران-ءپريدى جەڭىپ الدى. بۇل تۋرالى ng.kz حابارلادى.
بۇل بايقاۋ رۋدنىيدا ەكىنشى رەت ءوتىپ وتىر. وتكەن جىلى رەسەيلىك تەلەارنانىڭ «ودين ۆ ودين» جانە «قازاقستان» تەلەارناسىنىڭ «جۇلدىزدى دودا» حابارلارىنا ەلىكتەپ, وسى بايقاۋدى بالالار اراسىندا وتكىزگەن ەدى. بيىل وعان قاتىسۋعا ەرەسەكتەر كوپ تىلەك ءبىدىرىپتى.
«وربيتا» دەمالىس ورتالىعىنىڭ ادىسكەرى سۆەتلانا پينچۋك: «بيىل ءبىز بايقاۋعا قاتىسۋشىلار قاتارىن تولتىرا المايمىز با دەپ ويلاعان ەدىك. وتكەن جىلى بالالارمەن بىرگە ەرەسەك كىسىلەردى دە قاتىستىرۋ ويدا بولعان. بىراق ولار ۇيالعان بولاتىن. ال بيىل بايقاۋدى وتكىزۋگە ولاردىڭ ءوزى ۇسىنىس جاسادى», دەدى. بايقاۋدىڭ قورىتىندى كونتسەرتىنە بارلىعى 16 ادام عانا شىقتى. قازىلار القاسى قاتىسۋشىلاردىڭ داۋىسى مەن اكتەرلىك شەبەرلىگىن تارازىلادى. رۋدنىيلىقتار الدىندا «قايرات نۇرتاس», «ەلەنا وبرازتسوۆا», «لايما ۆايكۋلە», «ستاس ميحايلوۆ», «ايگەرىم قالاۋباەۆا» جانە «پينك» ونەر كورسەتتى.
بايقاۋ وتە كوڭىلدى ءوتتى. قاتىسۋشىلاردىڭ بارلىعىنىڭ دا ونەرى كوپشىلىككە ۇنادى. بىراق جارىستىڭ اتى – جارىس. ءۇشىنشى ورىندى ەلەنا وبرازتسوۆانىڭ بەينەسىن جاساعان تامارا زيۋبانوۆا مەن ايگەرىم قالاۋباەۆا بولىپ شىققان جانەركە سابيتبەك ءبولىستى. ەكىنشى ورىندى رافاەللا كارانى سومداعان تاتيانا بريۋشكو مەن امەريكالىك پينكتى رۋدنىي ساحناسىنا شىعارعان اناستاسيا دميتريۋك الدى. ءبىرىنشى ورىن الەكساندر سەروۆ بولىپ, قازىلار القاسىنىڭ جۇرەگىن جاۋلاعان پاۆەل ەۆتۋششەنكو مەن ستاس ميحايلوۆتىڭ وبرازىن جاساعان سالامات جاقىپوۆقا بەرىلدى. ال گران-ءپريدى قايرات نۇرتاستى رۋدنىيعا «اكەلگەن» اسەت قۋانىشەۆ پەن PSY ءانىنىڭ ورىنداۋشىسى مەن اۆتورى وڭتۇستىك كورەيالىق ءانشىنى شىعارعان انتون بوكوۆ ءبولىستى.
ءنازيرا جارىمبەتوۆا.
دەرەۋ, سۋرەت: ng.kz.