اقتوبە وبلىسىندا پوليتسەيلەر قالا سىرتىنداعى تاسجولداردا درونداردى پايدالانىپ جاتىر, دەپ حابارلايدى Egemen.kz ءتىلشىسى.
اقتوبە وبلىسىنىڭ پوليتسياسى قالا سىرتىنداعى تاسجولداردا جول اپاتتارىنىڭ الدىن الۋ جانە ولاردى باقىلاۋ ءۇشىن درونداردى پايدالانباق. بۇل شارا جولدارداعى قاۋىپسىزدىكتى ارتتىرۋعا, اسىرەسە, جول اپاتى قاۋپى جوعارى ۋچاسكەلەردە وقيعالاردىڭ الدىن الۋعا باعىتتالعان.
- دروندار كومەگىمەن پوليتسيا قارسى جولاققا شىعۋ جانە جول بەلگىلەرىن كەسىپ ءوتۋ سياقتى زاڭبۇزۋشىلىقتاردى تىركەي الادى. بۇل زاڭبۇزۋشىلىقتار التى ايعا جۇرگىزۋشى كۋالىگىنەن ايىرۋ سياقتى قاتاڭ سانكتسيالاردى كوزدەيدى. مۇنداي ءادىس قۇقىق بۇزۋشىلىقتارعا جەدەل ارەكەت ەتىپ, جول اپاتتارىنىڭ الدىن الۋعا مۇمكىندىك بەرەدى, - دەپ جازىلعان حابارلامادا.