ەكسپورتتاۋشىلار ارنايى باعدارلامالانعان تسيفرلىق تەڭگەنى پايدالانۋ كەزىندە كىرىس ققس قايتارۋدى سالىقتىق تەكسەرۋلەرسىز ەكى اپتا ىشىندە راسىمدەي الادى. مكك حابارلاعانداي, بۇل مەحانيزم وتكەن جىلدىڭ سوڭىنان باستاپ جۇمىس ىستەپ كەلەدى, دەپ جازادى Egemen.kz.
ققس قايتارۋدى 55-75 كۇننەن 5-15 كۇنگە دەيىن قىسقارتۋ ءۇشىن ەكسپورتتاۋشىلار ۇلتتىق بانكتەن نەمەسە كوممەرتسيالىق بانكتەردەن تاڭبالانعان ساندىق تەڭگەنى ساتىپ الۋى ءتيىس. مۇنداي ۆاليۋتانى ءونىم بەرۋشىلەرمەن جانە بيۋدجەتپەن ەسەپ ايىرىسۋدان باسقا ماقساتتار ءۇشىن پايدالانۋعا بولمايدى.
بارلىق ترانزاكتسيالاردىڭ دەرەكتەرىن, سونداي-اق جەتكىزۋشىلەر مەن بيۋدجەتكە تۇسەتىن تۇسىمدەر بويىنشا ققس قوزعالىسى تۋرالى مالىمەتتەردى ۇلتتىق بانك مكك-گە بەرەدى. وسىنىڭ ارقاسىندا سالىقتىق تاۋەكەلسىز ققس-تى جەدەل قايتارۋ ءۇشىن سالىقتىق اقپارات جەتكىلىكتى بولادى.
مكك پيلوتتىق جوباعا قاتىسۋشىلارعا كىرىس ققس قايتارىپ بەردى. ۆەدومستۆونىڭ مالىمەتىنشە, پروتسەسس بەس كۇنگە سوزىلدى. بۇل رەتتە سالىقتىق تەكسەرۋ جۇرگىزىلمەگەن, ال تاۋەكەلدەردى باسقارۋ جۇيەسى قولدانىلماعان. ەندى مكك اتالعان جوبانى كەڭەيتۋدى جوسپارلاپ وتىر.
تسيفرلىق تەڭگەنى ەنگىزۋدىڭ ءبىرىنشى كەزەڭى 2023 جىلعى قاراشادا باستالدى. ۆاليۋتا ارنايى ەلەكتروندىق ءامياندا ساقتالاتىن تسيفرلىق توكەندەردى بىلدىرەدى. 2024 جىلدىڭ جازىندا ۇلتتىق بانك ونى بيۋدجەت قاراجاتىن جۇمساۋدى تاڭبالاۋ ءۇشىن پايدالانۋ جونىندەگى پيلوتتىق جوبانى ىسكە قوستى. وسى جىلدىڭ باسىندا «بايتەرەك» اگروونەركاسىپ كەشەنىندە تسيفرلىق تەڭگەنىڭ تابىستى پايدالانىلۋى تۋرالى ەسەپ بەردى.
بيزنەسكە نولدىك ستاۆكامەن سالىق سالىناتىن اينالىمدار بويىنشا پايدا بولعان ققس اسىپ كەتكەن سوماسىن قايتارادى. ولارعا ەكسپورتتىق وپەراتسيالار, حالىقارالىق تاسىمالدار, اۋەجايلاردىڭ ججم-دى شەتەلدiك اۆياكومپانيالارعا ساتۋى, تاۋارلاردى ارنايى ەكونوميكالىق ايماقتارعا ساتۋى جانە باسقالارى جاتادى. بۇل رەتتە ەكسپورتتاۋشىلار نولدىك ستاۆكا بويىنشا سالىق سالىناتىن وتكىزۋ كولەمى بويىنشا الدا كەلەدى.
ازىرگە پارلامەنتتە تالقىلانىپ جاتقان جاڭا سالىق كودەكسىنە ققس مولشەرلەمەسىن 12% -دان 16% -عا دەيىن ارتتىرۋ ەنگىزىلگەن. جەكەلەگەن سالالار نولدىك ستاۆكا بويىنشا سالىق تولەيتىن بولادى, ال كەيبىرەۋلەرى تولەۋدەن بوساتىلادى. بۇدان باسقا, ققس بويىنشا ەسەپكە قويۋ شەگىن بەس ەسەگە - 80 ملن تەڭگەدەن 15 ملن تەڭگەگە دەيىن تومەندەتۋ ۇسىنىلادى.