استانا. 7 اقپان. اۋىر اتلەت يليا ءيليننىڭ جەكە جاتتىقتىرۋشىسى قازاقستاننىڭ ەرلەر اراسىنداعى قۇراماسىن باسقاراتىن بولدى. بۇل تۋرالى vesti.kz حابارلادى.
بۇگىن, 6 اقپان كۇنى قازاقستان قۇراماسىنىڭ جاتتىقتىرۋشىلار شتابىندا كادرلىق اۋىس-تۇيىستەر ورىن الدى. وليپيالىق ويىنداردىڭ ەكى دۇركىن چەمپيونى يليا ءيليننىڭ جەكە جاتتىقتىرۋشىسى ەرجاس بولتاەۆ اۋىر اتلەتيكادان قازاقستاننىڭ ەرلەر اراسىنداعى قۇراماسى تىزگىنىن ۇستادى.
قازاقستان اۋىر اتلەتيكاسى فەدەراتسياسىنىڭ جىل سايىنعى ءداستۇرلى كونفەرەنتسياسى بىرقاتار كادرلىق وزگەرىستەر جاساۋعا الىپ باردى. بۇل اۋىس-تۇيىستەر جونىندە قازاقستان قۇراماسىنىڭ باس جاتتىقتىرۋشىسى الەكسەي ني ايتىپ بەردى. وسىلايشا ەرجاس بولتاەۆ ەرلەر اراسىنداعى كومانداعا باسشى بولعان. ول مۇندا ۆيلوري پاكتى الماستىردى. ال پاك ايەلدەر قۇراماسىنا باسشى بولىپ باردى. بۇعان دەيىن قىزدار اۋىر اتلەتيكاسىن باسقارىپ كەلگەن يۆان سيۆوحين ەندى عىلىمي-كەشەندى جۇمىسپەن اينالىسادى.
فەدەراتسيا سونداي-اق 2015 جىلى قاراعاندى, وسكەمەن جانە پاۆلودار قالالارىنداعى مەكتەپ-ينتەرناتتار جانىنان اۋىر اتلەتيكا ءبولىمىن اشۋدى جوسپارلاپ وتىر.
دامير قوجامقۇل.
دەرەك, فوتو: vesti.kz.