استانا. 7 اقپان. رەسەي فۋتبول وداعى قۇراما كوماندانىڭ باس جاتتىقتىرۋشىسى فابيو كاپەللو جالاقىسىنىڭ قارىزىن تولەدى. بۇل تۋرالى «ارگۋمەنتى ي فاكتى» حابارلادى.
«رەسەي فۋتبول وداعى جۇما كۇنى رەسەي ۇلتتىق قۇراماسىنىڭ باس جاتتىقتىرۋشىسى فابيو كاپەللونىڭ جالاقىسىن تولەۋگە ارنالعان اقشا قاراجاتىن اۋدارۋ جونىندەگى قاجەتتى وپەراتسيانى جۇزەگە اسىردى», - دەلىنگەن ۇيىمنىڭ ءباسپاسوز قىزمەتىنىڭ اقپاراتتىق حابارلاماسىندا.
بەيسەنبى كۇنى بيزنەسمەن اليشەر ۋسمانوۆ ءوزىنىڭ رەسەي فۋتبول وداعىنا يتاليان مامانى الدىنداعى قارىزىن وتەۋى ءۇشىن 400 ملن. رۋبل سوماسىندا جەڭىلدەتىلگەن كرەديت بولگەنىن مالىمدەدى.
ەسكە سالا كەتەيىك, رەسەي سپورت ءمينيسترى ۆيتالي مۋتكو بيزنەسمەن اليشەر ۋسمانوۆتىڭ رەسەي فۋتبول وداعىنا ۇلتتىق قۇراما كوماندانىڭ باس جاتتىقتىرۋشىسىنا تولەۋ ءۇشىن 400 ملن. رۋبل كولەمىندە جەڭىلدەتىلگەن ماقساتتى كرەديت بەرەتىنىن راسقا شىعارعان بولاتىن.
رفو-نىڭ فۋتبولدان ۇلتتىق قۇراما باس جاتتىقتىرۋشىسى فابيو كاپەللو مەن ونىڭ جاتتىقتىرۋشىلار شتابى الدىندا جينالىپ قالعان قارىزى شامامەن 600 ملن. ءرۋبلدى قۇرايدى. بۇل سوماعا يتاليان مامانىنىڭ ءوزى مەن قۇرامانىڭ باس مەنەدجەرى ورەست چينكۆينيدى ىنتالاندىرۋ شاراسى دا كىرەدى. ولاردىڭ جالاقى الماعاندارىنا جارتى جىلدان اسقان.
دامير قوجامقۇل.
دەرەك, فوتو: ارگۋمەنتى ي فاكتى.