بيىل ماڭعىستاۋ وبلىسىنىڭ اكىمى نۇرداۋلەت قيلىبايدىڭ باستاماسىمەن اۋىل مارتەبەسىن كوتەرۋ ماقساتىندا «ۇزدىك اۋىل اكىمدىگى» رەيتينگىن وتكىزىلەدى.
جىل قورىتىندىسى بويىنشا ۇزدىك دەپ تانىلعان اۋىل اكىمدەرى مەن اكىمدىكتەرىنە ارنايى سىيلىق بار.
1 ورىن العان اۋىل اكىمدىگىنە – كوممۋنالدىق شارۋاشىلىق تەحنيكاسى بەرىلەدى جانە اۋىل اكىمىنەن باستاپ تەحنيكالىق قىزمەتكەرلەرگە دەيىن 6 لاۋازىمدىق جالاقىمەن ماراپاتتالادى. مىسالى 160 مىڭ تەڭگە الاتىن اكىمدىكتىڭ جاس مامانى 960 مىڭ تەڭگەگە يە بولادى. ال, 100 مىڭ تەڭگە الاتىن ەدەن سىپىرۋشى 600 مىڭ تەڭگە سىياقى الاتىن بولادى. سونىمەن قاتار اۋىل اكىمىنە قىزمەتتىك اۆتوكولىك بەرىلەدى.
ال 2 ورىن العان اكىمدىگىنىڭ ۇجىمى 4, ال 3-ءشى ورىن العان اۋىل اكىمدىگىنىڭ قىزمەتكەرلەرىنە 2 لاۋازىمدىق جالاقى بەرىلەدى.
ۇزدىكتەردى ءماسليحات دەپۋتاتتارى مەن قوعام بەلسەندىلەرىنەن قۇرىلعان ارنايى كوميسسيا انىقتايدى. بايقاۋ جىلدىڭ سوڭىندا قورىتىندىلانىپ, جەڭىمپازدار سالتاناتتى تۇردە ماراپاتتالادى.
ماڭعىستاۋ وبلىسى