جۇمىسشىنىڭ قولداۋشىسى – كاسىپوداق

بيىلعى جۇمىسشى مامان­دىق­تارى جىلى كاسىپوداقتار جۇمىسى­نىڭ بەلسەندىلىگى ارتا تۇسەتىنى ءسوزسىز. «سولتۇستىك قازاقستان وبلىسىنىڭ كاسىپوداق ورتالىعى» اۋ­ماق­تىق كاسىپ­وداقتار بىرلەستىگىنىڭ توراعاسى ەرىك نۇراقاەۆتىڭ ايتۋىنشا, اتاۋلى جىل جۇمىسشى ماماندىقتارىنا نازار اۋدا­رۋداعى ماڭىزدى قادام بولىپ وتىر.

«قوعامدا وسى كۇنگە دەيىن حالىق بالالارىنا جوعارى ءبىلىم بەرۋگە تىرىسىپ باقتى. بالانىڭ وي ەڭبەگىنە دەگەن قابىلەتى ەسكەرىلمەي قالدى. سوندىقتان دا ماماندىقتى يگەرە المايتىن ساپاسىز دارىگەرلەر, مۇعالىمدەر, زاڭ­گەر­لەر مەن ەكونوميستەر قاتارى كو­بەيدى. جۇمىسشى ماماندىعىن يگەرۋگە ءتيىستى ازاماتتار كوزگە ىلىنبەدى. بۇل ەكونوميكانىڭ ناقتى سەكتورىندا ءوندىرىستىڭ ساپا­سىن ءتۇسىردى. ەندى وسى ولقىلىقتى ەڭسەرۋ ۇسىنى­لىپ وتىر. جۇمىسشى ماماندىعىنىڭ مارتەبەسىن ارتتىرۋ, بەدەلىن كوتەرۋگە باسا ءمان بەرىلمەكشى. بۇل وتە دۇرىس شەشىم. وبلىستىق ءبىلىم باسقار­ماسى مەن وبلىستىق كاسىپوداق كوميتەتى جۇمىسشى ماماندىقتارىن دايىنداۋ جونىندە جىلدىق شارالار جوسپارىن جاسادى. سونىڭ ىشىندە وبلىستاعى جۇمىسشى ماماندىقتارىن دايىندايتىن 24 كوللەدجدىڭ الدىنا جاڭا مىندەتتەر قويىلدى», دەدى ول.

بىلتىر سولتۇستىك قازاقستان وبلىسى اكىمدىگى, جۇمىس بەرۋشىلەر بىرلەستىك­تەرى, وڭىرلىك كاسىپوداقتار بىرلەستىگى اراسىندا 2024–2026 جىلدارعا ارنالعان ۇشجاقتى كەلىسىم جاسالدى. قۇجاتتا ناق­تى سەكتورداعى جالاقىنى ينفلياتسيا دەڭ­گەيىنە سايكەس مىندەتتى تۇردە يندەكستەۋ, وندىرىستىك كەڭەستەر مەن ەڭبەك قاۋىپسىزدىگى ينسپەكتورلارى­نىڭ قىزمەتىن جەتىلدىرۋ, تەحنيكالىق ينسپەكتورلارعا قاتىستى قوسىمشا ىنتالاندىرۋ شارالارىن ەنگىزۋ سىندى مىندەتتەمەلەر بەكىتىلدى.

قازىر سولتۇستىك قازاقستان وبلىسىندا 6 286 ۇجىمدىق كەلىسىمشارت جاسالعان, بۇل كاسىپورىنداردىڭ 93,6%-ىن قامتيدى. كاسىپوداق ۇيىمدارى بار مەكەمەلەردە ۇجىمدىق شارتتار بار­لىق 1265 كاسىپورىندا جاسالىپ, 100% ورىندالدى. كاسىپوداق مۇشەلەرىنىڭ بەلسەندىلىگىنىڭ ارقاسىندا جاڭادان 9 باستاۋىش كاسىپوداق ۇيىمى قۇرىلىپ, وعان 419 مۇشە بىرىك­تى­رىلدى. جاڭا ۇيىم­دار دەنساۋلىق ساقتاۋ, ءبى­لىم بەرۋ, مەم­لەكەتتىك مەكەمەلەر, اۋىل شارۋا­شى­لىعى, مادەنيەت, سپورت سالا­لا­رىنىڭ سالالىق كاسىپوداقتارىنا كىردى.

كاسىپوداق ۇيىمدارى كوكتەمگى سۋ تاسقىنىنىڭ زارداپتارىن جويۋعا بەلسەندى ارالاسىپ, دامبالار ن­ى­عايتۋ, تاسقىنعا قارسى جۇمىستارعا قا­تىسۋشىلارعا تاماق ۇيىمداستىردى. زارداپ شەككەن 793 كاسىپ­وداق مۇشەسىنە ­53 ميلليون تەڭگەدەن استام گۋما­ني­تارلىق كومەك كورسەتىلدى.

«تۋعان جەر» ەكولوگيالىق جوباسىن ىسكە اسىرۋ جالعاسۋدا, ونىڭ اياسىندا كاسىپ­وداق قوزعالىسى ارداگەرلەرىنىڭ اللەيا­­سىنا 110 ءسىبىر شىرشاسى وتىر­عى­زىل­دى.

بۇگىندە جۇمىسشى ماماندىقتارى جىلىنا ارنالعان ءىس-شارالار جوسپارلارىن ءتيىمدى وتكىزۋگە دايىندىقتار جاسالىپ جاتىر. ەرەكشە نازار كاسىبي شەبەرلىك بايقاۋلارىنا, جۇمىسشى ماماندىقتارىن مەڭگەرىپ جاتقان جاس­تاردىڭ سلەتتەرىنە, جاس مامانداردى وقى­تۋعا اۋدارىلادى. ۇزدىك جۇمىسشى مامانداردى دارىپتەۋ, ولاردى ىنتالاندىرۋ شارالارى دا نازاردان تىس قالمايدى. جۇمىسشى ماماندىعىنىڭ بەدەلىن ارتتىرۋ ماقساتىنداعى ۇزدىك شارالارعا ارنالعان بايقاۋلار دا وتكىزىلەدى.

سولتۇستىك قازاقستان وبلىسى