اقش پەن رەسەي باسشىلارى اقپان ايىنىڭ سوڭىنا دەيىن ساۋد ارابياسىندا كەزدەسۋى مۇمكىن. كۇن تارتىبىندەگى باستى ماسەلە – ۋكرايناداعى سوعىس. بۇل تۋرالى امەريكانىڭ جەتەكشى اگەنتتىگىنىڭ ءبىرى Bloomberg حابارلادى, دەپ جازادى Egemen.kz.
ازىرگە اق ءۇي مەن كرەملدىڭ وكىلدەرى Bloomberg-ءتىڭ اقپاراتىنا بايلانىستى ەشقانداي تۇسىنىكتەمە بەرگەن جوق.
ايتكەنمەن اقش كونگرەسى وكىلدەر پالاتاسىنىڭ مۇشەسى مايكل ماككول الداعى اپتادا امەريكالىق دەلەگاتسيا ساۋد ارابياسىنا رەسەيلىك جانە ۋكراينالىق رەسمي تۇلعالاردىڭ قاتىسۋىمەن كەلىسسوز وتكىزۋگە, وعان قوسا ترامپ پەن ءپۋتيننىڭ كەزدەسۋىن دايىنداۋ شارۋاسىمەن باراتىنىن راستادى.