سۋ رەسۋرستارى جانە يرريگاتسيا مينيسترلىگى قورشاعان ورتانى قورعاۋ ءۇشىن بيىل 2,5 ملرد تەكشە مەتر سۋ جىبەرۋدى جوسپارلاپ وتىر, دەپ حابارلايدى Egemen.kz.
سۋ شارۋاشىلىعى عيماراتتارىن دامىتۋ دەپارتامەنتىنىڭ ديرەكتورى قۇدايبەرگەن قورعانباەۆتىڭ ايتۋىنشا مينيسترلىك 219 كولدى سۋعا تولتىرۋدى, 204,2 مىڭ گەكتاردان استام شابىندىق القاپ پەن 5,23 مىڭ گەكتار ورماندى جەردى سۋمەن قامتاماسىز ەتۋدى جوسپارلاپ وتىر.
«بۇل – سۋ كوزدەرىنە جاقىن ورنالاسقان اۋداندارداعى ەكولوگيالىق جاعدايدى جانە سۋمەن جابدىقتاۋدى جاقسارتادى. بارلىق ءىس-شارالاردى جۇزەگە اسىرۋ قۇرعاقشىلىق قاۋپىن ازايتۋعا, جەم-ءشوپ القاپتارىنىڭ ساپاسىن جاقسارتۋعا, اۋىل شارۋاشىلىعى مەن جەرگىلىكتى ەكوجۇيەنىڭ تۇراقتى دامۋىنا ءتيىمدى ىقپال ەتەدى», دەدى ول.