شىمكەنت قالاسىنىڭ كاسىپكەرلەر پالاتاسىندا جەرگىلىكتى بيزنەس وكىلدەرى قازاقستاننىڭ ۇلتتىق ەكونوميكا ۆيتسە-ءمينيسترى باۋىرجان قۇدايبەرگەنوۆپەن كەزدەستى. جيىننىڭ نەگىزگى تاقىرىبى – الداعى سالىق رەفورمالارىن, ونىڭ ىشىندە قوسىمشا قۇن سالىعىنىڭ (ققس) مولشەرلەمەسىن كوتەرۋدى تالقىلاۋ بولدى. كەزدەسۋگە, سونىمەن قاتار, اكىمدىكتىڭ, مەملەكەتتىك كىرىستەر دەپارتامەنتىنىڭ وكىلدەرى مەن ءماسليحات دەپۋتاتتارى قاتىستى.
جيىندى اشقان كاسىپكەرلەر پالاتاسىنىڭ ديرەكتورى سابيرا ادامبەكوۆا پرەزيدەنت سالىق جۇيەسىندەگى وزگەرىستەردى ازىرلەۋ كەزىندە بيزنەستىڭ پىكىرىن ەسكەرۋدى تاپسىرعانىن ەسكە سالدى.
ءوز كەزەگىندە قازاقستاننىڭ ۇلتتىق ەكونوميكا ۆيتسە-ءمينيسترى ب.قۇدايبەرگەنوۆ ۇكىمەتتىڭ ۇسىنىستارى تۋرالى باياندادى.
«قازاقستانداعى ققس مولشەرلەمەسى الەمدەگى ەڭ تومەن مولشەرلەمەنىڭ ءبىرى سانالادى. ققس تابىستىڭ ماڭىزدى كوزى بولىپ تابىلاتىنىنا قاراماستان 2022 جىلى ول جالپى ىشكى ءونىمنىڭ ء(جىو) تەك 4 پايىزىن قۇرادى, بۇل سالىستىرمالى كىرىس دەڭگەيى 7% بولاتىن ەلدەر بويىنشا ورتاشا كورسەتكىشتەن الدەقايدا تومەن. قوسىمشا قۇن سالىعىن نىعايتۋ كىرىستى ارتتىرىپ قانا قويماي, قۇبىلمالى مۇناي كىرىستەرىنە تاۋەلدىلىكتى ازايتادى جانە ەلدىڭ ينفراقۇرىلىمى مەن يندۋستريانى دامىتۋ باعدارلاماسىن قارجىلاندىرۋعا سەپ بولادى», دەدى ۆيتسە-مينيستر.
سالا وكىلىنىڭ ايتۋىنشا مەملەكەتتىك ورگاندار ققس-تىڭ جالپى مولشەرلەمەسىن 16%-عا دەيىن ۇلعايتۋدى, ال كەيبىر سالالار ءۇشىن تومەندەتىلگەن مولشەرلەمەنى 10% مولشەرىندە ەنگىزۋدى ۇسىنىپ وتىر. دەگەنمەن, بۇل سالالاردىڭ تىزبەسى ءالى ناقتى ايقىندالماعان. سونىمەن قاتار اۋىل شارۋاشىلىعى ونىمدەرىن وندىرۋشىلەردى سالىقتان تولىعىمەن بوساتۋ جوسپاردا بار. دەنساۋلىق ساقتاۋ سالاسى ءۇشىن سالىق جۇكتەمەسىن ازايتۋ دا قاراستىرىلۋ ۇستىندە.
كەزدەسۋ بارىسىندا كاسىپكەرلەر وڭىردەگى بيزنەس-قوعامداستىقتىڭ اتىنان سۇراقتار مەن ۇسىنىستارىن جەتكىزدى. ولار سالىق جۇكتەمەسىنىڭ ارتۋىنا الاڭداۋشىلىق ءبىلدىرىپ وتىرعانىن جاسىرمادى.
ناقتى ايتقاندا, شىمكەنت قالالىق وڭىرلىك كەڭەستىڭ مۇشەسى, «كەرەمەت-وڭتۇستىك» بوبەكجاي-بالاباقشاسى» جشس باسشىسى ديانا كارامانوۆا الەۋمەتتىك قىزمەت كورسەتەتىن مەكەمەلەردى ققس-تان بوساتۋدى نەمەسە قىزمەتتەردىڭ قولجەتىمدى بولۋى ءۇشىن سالىقتىق جەڭىلدىكتەر بەرۋدى ۇسىندى. ال «شىمكەنت قالاسى مەن تۇركىستان وبلىسىنىڭ جەكە كلينيكالار قاۋىمداستىعىنىڭ» باسشىسى انۋاربەك مايماقوۆ مەديتسينا سالاسى بويىنشا ققس مولشەرلەمەسىن 10-20% كوتەرۋ مەديتسينالىق كومەكتىڭ قولجەتىمدىلىگىن قيىنداتۋى مۇمكىن ەكەنىن اتاپ ءوتتى.
كاسىپكەرلەر پالاتاسى جانىنداعى سالالىق كەڭەستىڭ مۇشەسى داۋلەت قاناشاەۆ قر سالىق جانە كاسىپكەرلىك كودەكستەرىنە وزگەرىستەر ەنگىزۋ كەزىندە جەڭىل ونەركاسىپتىڭ ەرەكشەلىگىن ەسكەرۋ كەرەكتىگىنە توقتالدى. سوعان بايلانىستى ول قىزمەتكەرلەردىڭ ورتاشا جىلدىق سانى 500 ادامنان اسقان جاعدايدا عانا ءىرى كاسىپكەرلىك ساناتىنا اۋىسۋدى بەلگىلەۋدى, ال ورتاشا جىلدىق تابىس كورسەتكىشتەرىن وزگەرىسسىز قالدىرۋدى ۇسىندى.
بارلىق سۇراققا جاۋاپ بەرگەن باۋىرجان قۇدايبەرگەنوۆ جيىندى قورىتىندىلاي كەلە كاسىپكەرلەر ۇسىنىسى الداعى جۇمىس بارىسىندا ەسكەرىلەتىنىنە سەندىردى.