اتىراۋ. 6 اقپان. كاسپي تەڭىزىنىڭ قازاقستاندىق سەكتورىنداعى «قاشاعان» كەن ورنىنداعى تەحنولوگيالىق كەمشىلىكتەردى جويۋ 2016 جىلدىڭ اياعىندا اياقتالادى. سودان كەيىن عانا مۇناي ءوندىرۋ باستالادى. بۇل تۋرالى ەنەرگەتيكا ءمينيسترى ۆلاديمير شكولنيك مالىمدەدى.
ءمينيستردىڭ پىكىرىنشە, جوبانىڭ رەنتابەلدىلىگى تەك 2 جىلدان كەيىن عانا بەلگىلى بولا باستاماق. «بۇگىنگى تاڭدا «قاشاعاندا» 2013 جىلى ورىن العان تەحنولوگيالىق كەمشىلىكتەردى جويۋ جۇمىستارى جۇرگىزىلۋدە. بەكىتىلگەن قۇجاتتارعا سايكەس, بۇل جۇمىستار 2016 جىلدىڭ جەلتوقسان ايىندا اياقتالۋى ءتيىس. سودان كەيىن عانا «قاشاعان» كەن ورنىندا مۇناي ءوندىرۋ جۇمىستارى باستالادى. كەن ورنىنىڭ رەنتابەلدىلىگى تۋرالى 2 جىل, ودان دا ۇزاق ۋاقىتتان سوڭ عانا ايتىپ, باعا بەرۋگە بولادى», – دەدى ۆ.شكولنيك.
جولداسبەك شوپەعۇل.
دەرەك: egemen.kz.
سۋرەت: azh.kz.