اتىراۋ. 6 اقپان. اتىراۋ وبلىسىنداعى «تەڭىزشەۆرويل» سەرىكتەستىگى «تەڭىز» كەنىشىنىڭ قۋاتىن ارتتىرۋعا بايلانىستى جوباسى وڭتايلاندىرىلماق. بۇل جونىندە اتىراۋ وبلىسىنا ساپارى بارىسىندا ەنەرگەتيكا ءمينيسترى ۆلاديمير شكولنيك ءمالىم ەتتى.
«قازىرگى ۋاقىتتا باعاسىن تومەندەتۋ بويىنشا اتالعان جوبانى وڭتايلاندىرۋ جۇمىستارى جۇرگىزىلۋدە. وسى جىلدىڭ سوڭىنا تامان اتالعان جوبانى بەكىتۋگە شەشىم قابىلداۋدى, ساراپتاما جاساۋدى قولعا الاتىن بولامىز. جوبا رەنتابەلدى بولۋى ءۇشىن ساتىپ الۋ شىعىندارىن ازايتىپ, دەلدالدارسىز جۇزەگە اسىرامىز», – دەدى ۆ.شكولنيك.
«تەڭىزشەۆرويل» سەرىكتەستىگى يگەرەتىن «تەڭىز» كەن ورنىندا كەلەشەك كەڭەيۋ جوباسىن ىسكە اسىرۋعا ازىرلىك جۇرگىزىلۋدە. جوبا ىسكە اسىرىلعان كەزدە كەن ورنىندا مۇناي ءوندىرۋ كولەمىن جىلىنا 36 ميلليون تونناعا ۇلعايتۋ جوسپارى بار. قازىر اتالعان كەن ورنىندا 24 ميلليون توننا شاماسىندا مۇناي وندىرىلەدى.
جولداسبەك شوپەعۇل.
دەرەك: egemen.kz.
سۋرەت: news.nur.kz.