ەرتىس-بايان ءوڭىرىنىڭ اۋماعىندا جىل باسىنان بەرى 79 جول-كولىك وقيعاسى تىركەلىپ, سالدارىنان 114 ادام جاراقات الىپ, 8 ادام قازا تاپتى.
ءتارتىپ ساقشىلارى جول-كولىك اپاتىنا كوپ جاعدايدا جاياۋ جۇرگىنشىلەر كىنالى بولاتىنىن ايتادى. ادامدار باعدارشامنىڭ قىزىل تۇسىنە قاراماستان نەمەسە جولاعى جوق جەردەن جولدى كەسىپ وتەدى.
«جاياۋ جۇرگىنشىنىڭ قىزىل شامعا قاراماي جولدى قيىپ وتەتىنى, رۇقسات ەتىلمەگەن اۋماقتاردان جۇگىرىپ وتە شىعاتىنى كوپ جاعدايدا كوزگە تۇسەدى. كولىكتەر ءجيى جۇرەتىن كوشەلەردە بۇل اسا قاۋىپتى جاعداي. جولدان ءوتۋ كەزىندە جاياۋ جۇرگىنشىلەر جولدىڭ قوس قاپتالىنا قارامايدى. تەلەفوندارىنان كوز الماي بارا جاتقان نەمەسە ۇنەمى قۇلاققاپپەن جۇرەتىن جولاۋشىلار قاۋىپتى اسا ەلەي بەرمەيدى. مۇنداي جاياۋ جۇرگىنشىلەر اينالاداعى جول قوزعالىسىن بايقاي المايدى, ال قۇلاققاپ تاققاندار جۇرگىزۋشىلەردىڭ دابىل بەلگىسىن دە, تەجەگىشىن دە ەستىمەيدى», دەپ ەسكەرتتى وڭىرلىك پوليتسيا دەپارتامەنتىنەن.
پوليتسەيلەر كەز كەلگەن جولدان ءوتۋ كەزىندە جۇرگىنشىلەرگە سەرگەك ءارى ساق بولۋدى ەسكەرتەدى.
پاۆلودار وبلىسى