الماتى قالاسىنىڭ مەملەكەتتىك قۋىرشاق تەاترىندا بىلتىر 1 390 قويىلىم ۇسىنىلىپ, 92 مىڭ كورەرمەن تاماشالاعان. سونداي-اق وتكەن جىلى تەاتر قىزمەتكەرلەرىنىڭ جالاقىسى 30%-عا وسكەن. ال 16 مامان كانادا, رەسەي جانە قىرعىزستاننىڭ جەتەكشى تەاتر مەكتەپتەرىندە بىلىكتىلىگىن ارتتىردى.
«بۇل – سوڭعى جىلدارداعى ەڭ جوعارى كورسەتكىش. بيلەتتەردەن تۇسكەن تابىس تا تاريحي دەڭگەيگە جەتىپ, 80,8 ملن تەڭگە بولدى. قازاقستاننىڭ قۋىرشاق تەاترى داستۇرلەردى ساقتاپ قانا قويماي, يننوۆاتسيالار ەنگىزىپ, رەپەرتۋارىن كەڭەيتىپ, حالىقارالىق دەڭگەيگە دە شىعىپ جاتىر», دەيدى تەاتر ديرەكتورى المات امانگەلدى.
ال بيىل قۋىرشاق تەاترى 90 جىلدىق مەرەيتويىن اۋقىمدى باعدارلاما بويىنشا اتاپ وتپەك. كورەرمەنگە جاڭا قويىلىمدار, «Almaty Puppet Festival» ءۇشىنشى حالىقارالىق فەستيۆالى, سونداي-اق تەاتر مۇراجايىنىڭ اشىلۋى جانە تاريحي كىتاپتىڭ شىعۋى جوسپارلانىپ وتىر. سونىمەن قاتار تەاتر سپەكتاكلدەر سانىن ارتتىرىپ, ءبىر جىلدا 1 500 قويىلىم قويۋدى, اۋديتوريانى 95 مىڭ كورەرمەنگە دەيىن ۇلعايتۋدى جوسپارلاپ وتىر.
ونەر ۇجىمى بيىل ءتورت پرەمەرا – «ورمان عاجايىپتارى», «ناۋرىز قۇپياسى», «مەنىڭ اتىم قوجا», «ورتەكە» قويىلىمدارىن ۇسىنادى.
ايتا كەتەيىك, بۇعان دەيىن قۋىرشاق تەاترى بىرنەشە حالىقارالىق فەستيۆالدە جۇلدەلى بولعان.