3 اقپاندا تۇركىستان وبلىسىندا «كەنتاۋ-تۇركىستان» تاس جولىنىڭ بەسىنشى شاقىرىمىندا ەكى كولىك سوقتىعىسىپ, ارتىنان ءىرى ءورت شىقتى, دەپ حابارلايدى Egemen.kz.
الدىن الا مالىمەت بويىنشا, جۇرگىزۋشىنىڭ ءبىرى قارسى قوزعالىس جولاعىنا شىعىپ كەتىپ, باسقا كولىكپەن سوقتىعىسقان.
«جول اپاتى سالدارىنان التى ادام قازا تاۋىپ, زارداپ شەككەن ءتورت ادام ءتۇرلى دەنە جاراقاتتارىمەن كەنتاۋ قالاسىنداعى مەديتسينالىق مەكەمەگە جاتقىزىلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ, بارلىق ءمان-جايلار انىقتالىپ جاتىر, ونىڭ قورىتىندىسى بويىنشا پروتسەسسۋالدىق شەشىم قابىلدانادى», دەپ حابارلادى تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى.
ۆەدومستۆو بارلىق ازاماتتاردى جول قوزعالىسى ەرەجەلەرىن ساقتاۋعا, بەلگىلەنگەن جىلدامدىقتى اسىرماۋعا جانە قارسى جولاققا شىقپاۋعا شاقىرادى.