استانادا مۇگەدەكتىگى بار زەينەتكەردەن ميلليونداعان اقشا ۇرلاعان كۇدىكتى ۇستالدى, دەپ حابارلايدى Egemen.kz.
ەسىل اۋدانى پوليتسيا باسقارماسى قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە ۇرلىق قىلمىسىنا كۇدىكتى رەتىندە 21 جاستاعى جىگىتتى ۇستاعان. تەرگەۋ بارىسىندا انىقتالعانداي, زەينەتكەردەن اۋەلى قارىزعا اقشا سۇراپ, كەيىننەن ونىڭ زەينەتاقىسى مول مولشەردە جينالعانىن بىلگەن جاس جىگىت مۇمكىندىگى شەكتەۋلى اجەيدىڭ بانك قوسىمشاسىن وزىنە جۇكتەپ, زەينەتاقىسىن الىپ وتىرعان.
Polisia.kz اقپاراتىنشا كۇدىكتىنىڭ جابىرلەنۋشىگە كەلتىرگەن شىعىنى شامامەن - 5,5 ملن تەڭگەنى قۇرايدى ەكەن, كۇدىكتى سول اقشانى تۇگەل جۇمساپ جىبەرگەن.
قازىرگى ۋاقىتتا كۇدىكتىگە قاتىستى سوتقا دەيىنگى تەرگەۋ جۇرگىزىلىپ جانە وسىعان ۇقساس باسقا قىلمىستارعا قاتىسى بار-جوعى دا انىقتالىپ جاتىر.