رىمتاي شوكەەۆ باستاعان ارداگەرلەر كەڭەسىنىڭ مۇشەلەرى وبلىس ورتالىعىندا ورنالاسقان «قازترانسويل» اق شىعىس فيليالىنىڭ وندىرىستىك نىساندارىن ارالاپ, مۇناي تاسىمالداۋ جۇيەسىمەن تانىسۋعا ءوتىنىش ءبىلدىرسە كەرەك. قازىر وزگەرىستەر زامانى, باسقا ۋاقىت. ءوز ەلىمىزدىڭ يگىلىگىن ءوزىمىز كورۋدەمىز. وتاندىق مۇنايدىڭ اتى – وتاندىق مۇناي. ال, ارداگەرلەردى بۇل مۇناي سوندا قايدا بارادى, قايدان كەلەدى دەگەن سۇراق مازالاعان عوي. الدىمەن ارداگەرلەر توبى پاۆلودارداعى مۇناي قۇبىرى باسقارماسىنا قاراستى مۇناي ءوندىرۋ ستانساسىنا بارادى. كومپانيانىڭ شىعىس بولىمشەسىنىڭ ورتالىق ديسپەتچەرلىك پۋنكتىندەگى كەڭ ەكراننان شىمكەنت, قاراعاندى, پەتروپاۆل, ءۇشارال, جەزقازعان جانە پاۆلودارداعى باسقارمالارىنا قارايتىن 4 مىڭ شاقىرىمنان استام مۇناي قۇبىرلارى جۇيەسىن كورىپ تاڭعالىپتى.
ارداگەرلەردى تاڭعالدىرعان ەكىنشى حابار, ول – شىعىس فيليالىندا 3 مىڭداي ادام ەڭبەك ەتەتىندىگى. بىلتىر 21 ميلليون توننا مۇناي تاسىمالدانىپتى. قۇنى 23 ملرد. تەڭگە تۇراتىن «قۇمكول-قاراقويىن» باعىتىندا ماگيسترالدى مۇناي قۇبىرى سالىنىپتى. بۇل قۇبىر قىتايعا تاسىمالداناتىن مۇناي كولەمىن جىلىنا 20 ميلليون تونناعا دەيىن جەتكىزە الادى ەكەن.
ارداگەرلەردى تاڭعالدىرعان ءۇشىنشى قۋانىش – بيىل كومپانيانىڭ دەمەۋشىلىگىمەن وبلىس ورتالىعىندا بالاباقشا قۇرىلىسى باستالماقشى كورىنەدى. بۇعان قوسا, فيليالدىڭ سپورت جانە جاتتىعۋ زالدارىندا قابيبوللا شاكارىم اعامىز باسقاراتىن «زامانداس» ارداگەرلەر كلۋبىنىڭ ارداگەرلەرى كەلىپ دەنەشىنىقتىرۋمەن اينالىسادى ەكەن. ارداگەرلەر وزدەرىن تاڭ-تاماشا قالدىرعان شىعىس فيليالىنىڭ جاساپ جاتقان جۇمىستارى ۇزاعىنان بولسىن, ءتىل تيمەسىن دەپ ساتتىلىك تىلەپ, العىستارىن ءبىلدىردى.
فاريدا بىقاي,
«ەگەمەن قازاقستان».
پاۆلودار.