اق قارعا ايشىقتاپ ءىز سالدى

فەستيۆال تابيعاتى تالايدى تامسانتقان تاساشى اۋىلى ما­ڭىنداعى تاۋ بوكتەرىندە ءوتتى. التى قانات اقبوز ءۇي تىگىلىپ, ءان مەن كۇي كۇمبىرلەگەن سپورتتىق شا­راعا ۇلكەن-كىشى اعىلدى. سپورت مەرەكەسىنە كەگەن اۋدانىنىڭ اكى­مى نۇرباقىت تەڭىزباەۆ, الماتى وبلىستىق دەنە شىنىقتىرۋ جانە سپورت باسقارماسىنىڭ باسشىسى ەربولات سارابەكوۆ قاتىسىپ, جي­نالعان قاۋىمدى قىسقى سپورت تۇر­لەرىمەن اينالىسىپ, سالاماتتى ءومىر سالتىن قالىپتاستىرۋعا اتسا­لىسۋعا ۇندەپ, جارىسقا قاتىسىپ, باق سىناپ جاتقان ازاماتتارعا اق جول تىلەدى.

«اۋدان تۇرعىندارىنىڭ بۇقارالىق سپورتقا بەلسەندىلىگىن ارتتىرۋ جولىندا يگى ىستەر ءجى­بىن ۇزبەي جالعاسىپ كەلەدى. وبلىس­تىق سپورت باسقارماسىنىڭ قولدا­ۋى­مەن اۋدانىمىزعا بىرنەشە شتات بەرىلىپ, ۇيىرمەلەر تۇراقتى تۇر­دە جۇمىس جۇرگىزىپ جاتىر. كەلە­شەكتە ۇلكەن جارىستاردا توپ جاراتىن سپورتشىلار شىعاتىنى­نا سەنىمدىمىز», – دەدى نۇرباقىت مولداحمەت ۇلى.

سالتاناتتى ءىس-شارا بارىسىن­دا جارىستىڭ وتۋىنە بەلسەنە ات­سا­لىسقان تاساشى اۋىلىنىڭ اكى­­مى ەربولات تورەباەۆ, قارقارا اۋىل­­دىق وكرۋگىنىڭ اكىمى ەر­نۇر سابىربەكوۆ, ۇستازدار قىم­بات قامباربەكوۆا, گاۋحار اۋەزحا­­نو­ۆالار العىسحاتپەن ماراپاتتال­­­­دى. رايىمبەك اۋدانىنىڭ ­قۇر­­­مەت­تى ازاماتى, ارداگەر-ۇستاز جەڭىس ءابىل ۇلى جارىسقا قاتىسۋ­شى­لار­عا اق باتاسىن بەردى.

فەستيۆالدىڭ شاڭعى جارىسى اسا تارتىستى ءوتتى. اق قارعا ايقىش-ۇيقىش ءىز سالعان اۋەسقوي شاڭ­عىشىلار بىرنەشە جاس دەڭگەيىنە قاراي جارىس جولىنا شىقتى. ايەلدەر مەن ەرلەر 3 جانە 5 شاقىرىم قاشىقتىققا شاڭعىمەن جۇگىردى. قاتىسۋشىلار سونداي-اق «كىم جىلدام», ارقان تارتىس, بۇقا تارتىس, قول كۇرەس, تاس كوتەرۋ (113 كگ) سايىستارى بو­يىنشا كۇش سىناستى. سپورتتىق جارىستارعا گايدار مۇقانقوجاەۆ باستاعان بىلىكتى ماماندار تورەلىك جاساپ, جەڭىمپازداردى انىق­تادى.

جالپى كوماندالىق ەسەپتە 1-ورىندى (100 مىڭ تەڭگە) كەگەن اۋىلدىق وكرۋگى, 2-ورىندى (70 مىڭ) اۋداندىق اۋرۋحانا­, 3-ورىندى (50 مىڭ) قارقارا اۋىلدىق وكرۋگى كوماندالا­رى ەنشىلەدى. جارىس جەڭىمپازدا­رى مەن جۇلدەگەرلەرىنە اۋدان­دىق بۇقارالىق سپورتتىق ءىس-شارا­لاردى وتكىزۋ ورتالىعىنىڭ ديپ­لوم­دارى, مەدالدار, كۋبوكتەر, باعالى سىيلىقتار تابىس ەتىلدى.

الماتى وبلىسى,

كەگەن اۋدانى