بۇگىن تۋريزم جانە سپورت مينيسترلىگىندە كەڭەيتىلگەن القا وتىرىسى ءوتتى. جيىندا دەنە شىنىقتىرۋ جانە سپورت, ويىن بيزنەسى مەن لوتەرەيا قىزمەتىن رەتتەۋ ماسەلەسى تالقىلاندى, دەپ جازادى Egemen.kz.
قازىر رەسپۋبليكا بويىنشا 521 جاسوسپىرىمدەر سپورت مەكتەبى بار. وندا 406 227 سپورتشى جاتتىعادى. جاسوسپىرىمدەر سپورت مەكتەبىندە سپورتتىڭ 114 ءتۇرى, سونىڭ ىشىندە وليمپيادالىق سپورت تۇرلەرىمەن – 302 204, وليمپيادالىق ەمەس سپورت تۇرلەرى بويىنشا – 31 043, ۇلتتىق سپورت تۇرلەرى بويىنشا – 44 695, ازيا ويىندارى باعدارلاماسىنا ەنگىزىلگەن سپورت تۇرلەرىمەن 27 581 ادام شۇعىلدانادى.
ۆەدومستۆونىڭ كەڭەيتىلگەن جيىنىندا سپورتشىلاردى مەديتسينالىق تۇرعىدا قولداۋ شاراسى كۇشەيتىلەتىنى ايتىلدى.
«كەلەسى ماڭىزدى باعىت – سپورتشىلاردى الاڭدا مەديتسينالىق جانە بيولوگيالىق قامتاماسىز ەتۋ. بەكىتىلگەن سالالىق تۇجىرىمداماعا سايكەس, ەلىمىزدىڭ 9 وڭىرىندە, سونىڭ ىشىندە ۇلىتاۋ, اقتوبە, الماتى, اتىراۋ, جامبىل, باتىس قازاقستان, قىزىلوردا, ماڭعىستاۋ, سولتۇستىك قازاقستان وبلىستارىندا مەديتسينالىق دەنە شىنىقتىرۋ ديسپانسەرلەرىن اشۋ جوسپارلانىپ وتىر. وبلىس باسشىلارىنان وسى باعىتتا ءتيىستى جۇمىستار جۇرگىزۋدى سۇرايمىز», دەلىنگەن مينيسترلىك حابارلاماسىندا.