تاشكەنتتەن نيۋ-يورككە باعىت العان ۇشاق بورتىندا ەرەكشە جاعداي ورىن الدى, دەپ حابارلايدى Egemen.kz.
وزبەكستان اۋە جولدارىنىڭ حابارلاۋىنشا, 28 قاڭتاردا تاشكەنتتەن نيۋ-يورككە ۇشقان HY101 رەيسىنىڭ بورتىندا ەرەكشە وقيعا ورىن الدى: ۇشاقتاعى جولاۋشىنىڭ تولعاعى ۇستاعان.
ەكيپاج وقيعاعا بىردەن دەن قويىپ, باسقا جولاۋشىلاردىڭ اراسىنان مەديتسينا سالاسىنىڭ ماماندارىن ىزدەپتى. قۋانىشقا وراي, بورتتا اكۋشەر مەن حيرۋرگ بولعان ەدى. ولار بىردەن ايەلگە كومەك كورسەتە باستايدى.
ءبىراز ۋاقىتتان كەيىن, ۇشاق 10 مىڭ مەتردەن استام بيىكتىككە كوتەرىلگەندە ۇل بالا دۇنيەگە كەلدى.
«وسىعان بايلانىستى ەكيپاج كەفلاۆيك قالاسىنداعى (يسلانديا) اەرودرومعا شۇعىل قونۋدى ۇيعاردى. اناسى مەن جاڭا تۋعان نارەستە جەرگىلىكتى اۋرۋحاناعا جەتكىزىلدى», دەپ اتاپ ءوتتى وزبەكستان اۋە جولدارى قىزمەتى ءباسپاسوز قىزمەتى.
«وزبەكستان اۋە جولدارى» كومپانياسى ۇلدى بولعان وتباسىنى قۇتتىقتاپ, ەكيپاج مۇشەلەرى مەن مەديتسينا قىزمەتكەرلەرىنە كاسىبيلىگى مەن ۇيلەسىمدى جۇمىسى ءۇشىن العىسىن ءبىلدىردى.