پەتروپاۆل. 5 اقپان. پەتروپاۆلدا ەس 164/6 تۇزەۋ مەكەمەسىندە جازاسىن وتەپ جاتقان ايەلدەر بالالاردى كولىكتە الىپ جۇرۋگە ارنالعان قۇرىلعىلاردى دايىنداۋعا جەدەل كىرىسىپ كەتتى. بۇل تۋرالى egemen.kz ءتىلشىسى حابارلادى.
تۇرمە اكىمشىلىگىنە مۇنداي تاپسىرىستى قالاداعى جەكە كاسىپكەرلەردىڭ ءبىرى بەرگەن. جەرگىلىكتى قۇرىلعىنىڭ نوبايى رەسەيلىكتەردەن الىنعانىمەن, باعاسى وتە قولجەتىمدى كورىنەدى. اتاپ ايتقاندا, كورشى ەلدە تەڭگەگە شاققاندا 2 مىڭ تەڭگەنى قۇراسا, مۇندا 800 تەڭگەدەن ساتىلماق.
بۇگىندە جاڭا تسەح اشىلعالى جۇمىس ىستەۋگە تىلەك بىلدىرۋشىلەردىڭ قاتارى كۇرت وسكەن. كولونيا اكىمشىلىگى تىگىنشىلىكتى مەڭگەرگەن جانە سوتتىڭ شەشىمىنە وراي قارىزى بار سوتتالۋشىلاردى ءبىرىنشى كەزەكتە جۇمىسقا ورنالاستىرۋدى ءجون كورىپتى. قازىر مۇندا ەڭبەك ەتەتىندەردىڭ ايلىق جالاقىسى 21 مىڭ تەڭگەگە جەتەقابىل.
ءومىر ەسقالي.
دەرەك: egemen.kz.
سۋرەت: ktk.kz.