اقتاۋ. 5 اقپان. اقتاۋدا بىردەن ءۇش ءتۇرلى ەسىتركى تۇرلەرىن قولدانعان جۇرگىزۋشى قولعا ءتۇستى. بۇل تۋرالى egemen.kz ءتىلشىسى حابارلادى.
قۇقىققورعاۋ ورىندارى قىزمەتكەرلەرىنىڭ كەزەكتى تەكسەرىسى كەزىندە قالا كوشەلەرىنىڭ بىرىنەن توقتاتىلعان كولىكتىڭ جۇرگىزۋشىسى ينسپەكتوردىڭ كوڭىلىنە كۇدىك تۋدىرعان. ول 20 جاستاعى داعىستان ازاماتىنىڭ بويىنان ەسىرتكى جانە پسيحوتروپتىق زاتتاردىڭ اسەرىن بايقاعان. دارىگەر قورىتىندىسى جۇرگىزۋشىنىڭ گەروين, ماريحۋانا جانە ەلىمىزدە ەسىرتكى زاتى رەتىندە سانالاتىن ترامادول قولدانعانىن انىقتادى. دارىگەرلەر ترامادولدىڭ تەك قاتتى سىنىق كەزىندە جانە وتادان سوڭ اۋرۋدى باسۋ ءۇشىن قولدانىلاتىندىعىن ايتادى. قولدانعان ادامدى ۇيقى باسىپ, باياۋلاۋ جانە ەيفوريا پايدا بولادى.
قۇقىق قورعاۋ ورىندارىنىڭ مالىمەتىنشە, قازىر كۇدىكتى جۇرگىزۋشىگە قاتىستى اكىمشىلىك حاتتاما تولتىرىلعان, ءىس سوتقا جولدانباق.
گۇلايىم شىنتەمىرقىزى.
دەرەك: egemen.kz.
سۋرەت: «لادا.kz».