قارجىلىق مونيتورينگ اگەنتتىگى شىمكەنتتە سۋرروگاتتىق الكوگول ءونىمىن وندىرەتىن جاسىرىن تسەحتىڭ 309 ملن تەڭگەدەن استام قىلمىستىق كىرىسىن جاسىرۋ جانە زاڭداستىرۋ سحەماسىن انىقتادى, دەپ حابارلايدى Egemen.kz.
كۇدىكتىلەر 234 ملن تەنگە بولاتىن 13 قىمبات كولىك («Toyota Land Cruiser 300», «ZEEKR 001», «KIA K8», «Hyundai Grandeur», «VOLVO» جانە ت.ب.) ساتىپ العان, ولاردى جاقىن تۋىستارىنا راسىمدەگەن.
2022 جىلدان باستاپ ەرلى-زايىپتى قارسەنوۆتار زاڭسىز الكوگول ونىمدەرىنە قولدان جاسالعان اكتسيزدىك ماركا پايدالانعان. ءونىم شىمكەنت قالاسى عانا ەمەس, تۇركىستان جانە جامبىل وبلىستارىندا ساتىلعان.
سوت ولارعا 5 جانە 6 جىلعا باس بوستاندىعىنان ايىرۋ جازاسىن تاعايىندادى. قىلمىستىق جولمەن تاپقان قاراجاتقا ساتىپ الىنعان 13 كولىك پەن 75 ملن تەڭگە تاركىلەندى.