قاڭتار ايىنىڭ باسىندا اقتوبەدەگى پاتەردەن 10 ملن تەڭگە قولدى بولعان, دەپ جازادى Egemen.kz.
جەدەل ءىس-شارالار بارىسىندا پوليتسيا قىزمەتكەرلەرى ءتورت كۇدىكتىنى انىقتاپ, ۇستادى. ولاردىڭ اراسىندا جابىرلەنۋشىنىڭ تۋىسى بار ەكەنى بەلگىلى بولدى. كۇدىكتى سىبايلاستارىنا تۋىسىنىڭ ۇيىندە قولما-قول قوماقتى قارجى بار ەكەنىن ايتىپ, كومەك كورسەتكەن.
ىشكى ىستەر مينيسترلىگىنىڭ مالىمەتىنشە, ولار ۇرلاعان قارجىنى ءوز قاجەتتىلىكتەرىنە جۇمساپ, نەسيەلەرىن تولەگەن. قالعان سومانى ويىن-ساۋىققا جويعان.
ۇستالعاندار ۋاقىتشا ۇستاۋ يزولياتورىنا قامالعان. سوتقا دەيىنگى تەرگەپ-تەكسەرۋ جۇرگىزىلىپ جاتىر.