ۇلىبريتانيانىڭ ساۋتپورت قالاسىندا ءجاسوسپىرىم اكسەل رۋداكۋبانا ءۇش قىزدى ولتىرگەنى ءۇشىن 52 جىلعا باس بوستاندىعىنان ايىرىلدى, دەپ حابارلايدى Egemen.kz.
Sky News تەلەارناسىنىڭ حابارلاۋىنشا, ءجاسوسپىرىم پىشاقپەن بي ستۋدياسىنا كىرىپ, قىزدارعا شابۋىل جاساعان. ول جابىرلەنۋشىلەردىڭ ءبىرىنىڭ ءمايىتىنىڭ جانىندا تۇرعان جەرىندە ۇستالعان.
كەيىن ونىڭ ەلەكتروندى قۇرىلعىلارىن تالداۋ بارىسىندا زورلىق-زومبىلىق پەن گەنوتسيدتىك يدەيالارعا اۋەس ەكەنى انىقتالعان.
انىقتالعانداي, جاس جىگىت 13 ءتۇرلى باپ بويىنشا ءومىر بويىنا باس بوستاندىعىنان ايىرىلعان. رۋداكۋبانا شارتتى تۇردە مەرزىمىنەن بۇرىن بوساتۋ تۋرالى ءوتىنىشىن تەك 52 جىلدان كەيىن بەرە الادى.
ايتا كەتەيىك, سۋديا سوتتالۋشىعا ءومىر بويىنا باس بوستاندىعىنان ايىرۋ جازاسىن تاعايىنداي الماعان, ويتكەنى ول قىلمىس جاساعان كەزدە نەبارى 17 جاستا بولعان.
ال, سوت ۇكىمى جاريالانعان كەزدە سوتتالۋشىنىڭ ءوزى سوت وتىرىسىنا قاتىسقان جوق, ويتكەنى ول بۇعان دەيىن ءوزىن ناشار سەزىنەمىن دەپ ايقايلاپ, پروتسەستى بۇزباق بولعان.