سەيسەنبىگە قاراعان ءتۇنى تۇركيانىڭ بولۋ پروۆينتسياسىنداعى كارتالكايا تاۋ شاڭعىسى كۋرورتىنداعى قوناقۇي وتقا وراندى, دەپ حابارلايدى Egemen.kz ۆۆس-گە سىلتەمە جاساپ.
ىشكى ىستەر مينيسترلىگىنىڭ باسشىسى الي ەرليكايا ورتتەن قازا تاپقانداردىڭ سانى 76-عا جەتكەنىن مالىمدەدى. بۇعان دەيىن ول 51 ادام قۇربان بولعانىن حابارلاعان ەدى.
ءورت 12 قاباتتى (باسقا دەرەكتەر بويىنشا 11 قاباتتى) Grand Kartal قوناقۇيىندە جەرگىلىكتى ۋاقىت بويىنشا 03:27-دە باستالعان. قوناقۇيدە بارلىعى 234 قوناق بولعان.
بولۋ گۋبەرناتورى ابدۋلازيز ايدىن الدىن الا مالىمەت بويىنشا, ءورتتىڭ قوناقۇيدىڭ ءتورتىنشى قاباتىنداعى مەيرامحانا ايماعىندا باستالىپ, جوعارعى قاباتتارعا تاراعانىن ايتتى.
ايتا كەتەيىك, قوناق ءۇي بولۋدىڭ ورتالىعىنان ءبىرشاما قاشىقتىقتا ورنالاسقان.
ءورتتىڭ شىعۋ سەبەبى ازىرگە بەلگىسىز.