2025 جىلى قازاقستان ارال تەڭىزىنىڭ قۇرعاعان ۇلتانىندا ەكوجۇيەنى قالپىنا كەلتىرۋ بويىنشا اۋقىمدى جوبانى جالعاستىرادى, دەپ حابارلايدى Egemen.kz.
ەكولوگيا جانە تابيعي رەسۋرستار مينيسترلىگىىنىڭ ءباسپاسوز قىزمەتىنىڭ ءمالىم ەتۋىنشە جوبادا كاتكو, فرانتسۋز مەملەكەتتىك كومپانياسى «Orano Mining SA» مەن «قازاتومونەركاسىپ» ۇاك» اكتسيونەرلىك قوعامىنىڭ بىرلەسكەن كاسىپورنى جانە باسقا دا ۇلتتىق جانە جەكە كومپانيالار ورمان وتىرعىزۋ جۇمىستارىن ۇيىمداستىرۋ بويىنشا بەلسەندى قاتىسىپ وتىر. جوبانىڭ نەگىزگى ماقساتى – جەرلەردىڭ ودان ءارى دەگراداتسياسىنىڭ الدىن الۋ, ەكولوگيالىق جاعدايدى جاقسارتۋ.
بۇگىنگى كۇنگە ناتيجەلەر:
522 توننا تۇقىم جيناقتالدى. 2024 جىلعى 16-30 جەلتوقسان ارالىعىندا 12 000 گەكتارعا ەگىن ەگۋ جۇمىستارى جۇرگىزىلدى. 2025 جىلعى قاڭتار مەن اقپان ايلارىندا 108 000 گەكتارعا ەگىن ەگۋ جوسپارلانىپ وتىر. 2025 جىلعى ناۋرىزدا 16 492 گەكتارعا سەكسەۋىل تۇقىمداس اعاشتار وتىرعىزۋ جوسپارلانعان.بۇل جوبا ارال ەكولوگيالىق اپاتىنان كەيىنگى سالدارمەن كۇرەسۋ جونىندەگى مەملەكەتتىك ستراتەگيانىڭ ءبىر بولىگى. قازاقستان ەكولوگيالىق جاعدايدى جاقسارتۋ ماقساتىندا ىشكى جانە حالىقارالىق دەڭگەيدە بەلسەندى جۇمىس ىستەپ جاتىر.
اكتسيا ۇيىمداستىرۋشىلارى ازاماتتاردى وسى باستامانى قولداپ, ارال ءوڭىرىن قالپىنا كەلتىرۋگە ءوز ۇلەستەرىن قوسۋعا شاقىرادى.