پاۆلوداردا بالالارىنا قارىز اكە ۇستالدى

اليمەنت تولەۋدەن جالتارعان 29 جاستاعى پاۆلودارلىقتىڭ قارىزى 4,5 ملن تەڭگەگە جەتكەن.

- جۇبايىمەن اجىراسقاننان كەيىن 29 جاستاعى ەر ادام بالا تاربيەسىنە ارالاسپاي, ءتورت جىل بويى بالالارىنا اليمەنت تولەۋ تۋرالى سوت شەشىمىن ەلەمەگەن. ناتيجەسىندە وعان ىزدەۋ جاريالاندى, ال اليمەنت بويىنشا قارىزىنىڭ سوماسى بۇگىندە 4,5 ملن تەڭگەگە جەتتى. پوليتسيا قىزمەتكەرلەرى ەر ادامدى ۇستاپ, قارىزدى ءوندىرىپ الۋ تۋرالى سوت شەشىمىن ودان ءارى ورىنداۋ ءۇشىن ونى جەكە سوت ورىنداۋشىسىنا تاپسىردى, - دەپ جازىلعان حابارلامادا.

ەر ادامعا قاتىستى قىلمىستىق ءىس قوزعالدى.

ايتا كەتەيىك, 2024 جىلى پوليتسيا اليمەنت تولەمەيتىن 300-گە جۋىق ادامدى انىقتادى.

ءتارتىپ ساقشىلارى اليمەنت تولەۋدەن جالتارۋ تەك ماتەريالدىق سالدارعا اكەپ سوقپايتىنىن, سونىمەن بىرگە قىلمىستىق قۋدالاۋعا نەگىز بولا الاتىنىن ەسكە سالدى.