بۇقار جىراۋ اۋدانىنىڭ اكىمى ەرلان قۇسايىن قاراعاندى وبلىسى وڭىرلىك كوممۋنيكاتسيالار قىزمەتى الاڭىندا اۋداننىڭ الەۋمەتتىك - ەكونوميكالىق دامۋى تۋرالى بريفينگ وتكىزدى, دەپ حابارلايدى Egemen.kz.
اۋىل تۇرعىندارىن ساپالى اۋىز سۋمەن قامتۋ – اۋداننىڭ باستى مىندەتتەرىنىڭ ءبىرى. قازىرگى تاڭدا اۋدان حالقىنىڭ 99%-ى, ياعني 63 ەلدى مەكەن ورتالىقتاندىرىلعان سۋمەن قامتاماسىز ەتىلگەن. الداعى ماقسات – بۇل كورسەتكىشتى 100% - عا جەتكىزۋ.
وسى تۇرعىدا وتكەن جىلى اقجار, استاحوۆكا, دوسكەي, ترۋدوۆوە, ايۋلى, الاباس اۋىلدارىنداعى جانە قۋشوقى كەنتىندەگى سۋ جۇيەلەرىنە جوندەۋ جۇمىستارى جۇرگىزىلگەن.
بيىلعى جىلى 5 ەلدى مەكەندە, اتاپ ايتقاندا, ستارايا تۋزدا, ستان, سەۆان اۋىلدارىندا سۋ تازارتۋ ءمودۋلىنىڭ 3 بلوگى ورناتىلىپ, جاڭااۋىل مەن پەرۆوە مايا اۋىلدارىندا سۋ قۇبىرلارى جوندەلەدى. بۇل جۇمىستارعا اۋداندىق بيۋدجەتتەن 227 ملن تەڭگە بولىنگەن.
جوسپار بويىنشا بيىل بارلىق ەلدى مەكەندەر ساپالى اۋىز سۋمەن تولىق قامتاماسىز ەتىلەدى.