استانادا قازاقستان مۇسىلماندارى ءدىني باسقارماسىنىڭ 35 جىلدىعى مەن قاسيەتتى ەرەجەپ ايىنىڭ قۇرمەتىنە وراي «تايقازان» قايىرىمدىلىق اكتسياسى ۇيىمداستىرىلدى, دەپ حابارلايدى Egemen.kz.
قمدب «زەكەت جانە قايىرىمدىلىق» قورى استانا قالاسى وكىلدىگىنىڭ ۇيىمداستىرۋىمەن «ار-راحمان» مەشىتىندە وتكەن يگى شارادا از قامتىلعان, كوپ بالالى, اسىراۋشىسىنان ايىرىلعان, ەرەكشە بالالاردى ءوسىرىپ وتىرعان 35 مۇقتاج وتباسىعا ازىق-ت ۇلىك سەبەتتەرى تاراتىلدى.
يگى شاراعا «زەكەت جانە قايىرىمدىلىق» قورىنىڭ مامانى ءالي مىرزاقۇلوۆ, قوردىڭ استانا قالاسى بويىنشا وكىلى نۇربول قابلان ۇلى, «ار-راحمان» مەشىتىنىڭ يمامى جاندوس سەيداحمەت ۇلى قاتىستى.
اكتسيا اياسىندا مۇقتاج جاندار العىسىن ايتىپ, «زەكەت جانە قايىرىمدىلىق» قورى مەن «ار راحمان» مەشىتىنىڭ جاساپ جاتقان يگى ىستەرىنە ريزاشىلىعىن ءبىلدىردى.