«قازاۆتوجول» ۇق» اق قولايسىز اۋا رايىنا بايلانىستى اقتوبە, باتىس قازاقستان وبلىستارىندا كولىك قوزعالىسى شەكتەلەتىنىن حابارلادى, دەپ جازادى Egemen.kz.
اقتوبە وبلىسىندا ساعات 12:50-دە اۋا رايىنىڭ بۇزىلۋىنا بايلانىستى اقتوبە-ورال-رف شەكاراسى اۆتوجولىنىڭ 526-702 شاقىرىم ارالىعىنداعى ۋچاسكەسىندە (بقو شەكاراسى-مارجانبۇلاق اۋىلى) جۇك جانە قوعامدىق كولىكتەردىڭ قوزعالىسىنا شەكتەۋ قويىلىپ وتىر.
باتىس قازاقستان وبلىسىنداعى اقتوبە-ورال-رف شەكاراسى اۆتوجولىنىڭ 393-526 شاقىرىم ارالىعىنداعى ۋچاسكەسىندە (جىمپيتى اۋىلى - اقتوبە وبلىسىنىڭ شەكاراسى) جۇك جانە قوعامدىق كولىكتەردىڭ قوزعالىسىنا شەكتەۋ قويىلدى.
كومپانيا جول ۋچاسكەلەرىن 16 قاڭتار ساعات 20:00-دە اشۋ جوسپارلانىپ وتىرعانىن جازعان.